Pandemiiaǵa qaramastan, 2020 jyldyń qazan aiynda Túrkiianyń Antaliiasyna Ýkraina, Qazaqstan jáne Moldovadan baratyn týrister aǵyny ótken jyldyń osy aiymen salystyrǵanda birshama ósken. Bul týraly Anadoly agenttigi habarlady.
«Qaýipsiz týrizm» baǵdarlamasynyń arqasynda túriktiń Antaliiasy ózin álem boiynsha demalystyń qaýipsiz baǵyty retinde tanytty.
Túrkiianyń «týristik astanasynyń» kóptegen qonaqúi kesheni 150 túrli sanitarlyq-gigienalyq talaptarǵa sáikes keletin «Salaýatty týrizm» sertifikatyn alǵan, bul óz kezeginde shetelden keletin týrister sanynyń ósýine septigin tigizdi.
Pandemiiaǵa bailanysty Antaliiadaǵy týristik maýsym biyl ádettegiden kesh bastalǵan, alaida oǵan qaramastan birqatar elderden aǵylǵan týrister sanynyń ósimi tirkeldi.
Bir ǵana qazan aiynda Antaliiaǵa demalýǵa 700 900 qonaq keldi.
Ýkrainadan kelgen týrister sany 102 117 adamdy quraǵan. Byltyrǵy jyldyń qazan aiynda bul kórsetkish 72 474 adam bolǵan edi.
Ótken aida Qazaqstannan Antaliiaǵa demalýǵa barǵan qazaqstandyqtar sany – 7 130 adam. Al 2019 jyldyń qazan aiynda Qazaqstannan 6668 týrist barǵan.
Sondai-aq, Moldova elinen baratyn týrister sany aitarlyqtai ósken. Biylǵy qazanda 5880 adam barsa, ótken jyldyń osy aiynda 3574 týrist demalyp kelgen edi.
