Foto: toi.kz
Tanymal ánshi, Qazaqstannyń eńbek sińirgen qairatkeri Saiat Medeýov qazirgi sahna mádenieti men óner sapasynyń tómendep bara jatqanyna alańdaýshylyq bildirip, ánshilerge shúilikti,- dep habarlaidy Ult.kz, massaget.kzke silteme jasap.
Bul týraly ol «1001 tún» baǵdarlamasyna bergen suhbatynda aitty.
Ánshiniń pikirinshe, qazirgi tańda sahna jeńil dúnielermen tolyp, shynaiy shyǵarmashylyq qundylyǵyn joǵaltýda.
«Jeńil áńgime aitqym kelmeidi. Mádeniet salasynda, ónerde men kúiip ketetin nárse kóp. Qazir aýzyna kelgen sózben án jaza beretin ánshisymaqtar qaptap ketti. Sapasyz ánshilerden sapasyz án týady. Olarǵa eshqandai shekteý bolyp jatqan joq, sáikesinshe oiyna kelgendi jazady. Ánniń sózi áýenmen birge tógilip, poeziia sekildi quiylyp turýy kerek. Biz kompozitor, aqyn, ánshi degen úsh taǵandy joǵaltyp aldyq. Baiaǵyda án osy úsh taǵannyń ýysynan shyǵyp sátti ekenin dáleldeitin. Qazir bári maidalanyp barady», – dep ashýlandy Saiat Medeýov.
Sondai-aq, ol mán-maǵynasy joq án aitatyn ánshilerge aiyppul salý qajettigin aitty.
«Bolmaityn án aitatyn bolmaityn ánshiler kóp. Bári demeimin. Arasynda jaqsy ánshiler de bar. Biraq sondai bolmaityn án aitatyndarǵa aiyppul salý kerek. Zańmen shektep, olardyń erkin kósilýine jol bermeýimiz kerek. Aqyry bárine aiyppul salyp jatyrmyz ǵoi. Kólikti 5 minýttan artyq qyzdyrǵanǵa da aiyppul salyp jatyrmyz ǵoi, odan da ónerdi lastap, mádenietti qurtyp jatqan ánshisymaqtarǵa aiyppul salǵanymyz abzal», – dedi ánshi.
Aita keteiik, Saiat Medeýov 1973 jyly Jambyl oblysynyń Qordai aýdanyndaǵy Kenen aýylynda dúniege kelgen. 1998 jyldan beri óner sahnasynda júrgen ol «Kók sholaq», «Sen kóriktisiń», «Altynym», «Boztorǵai» jáne basqa da halyq súiip tyńdaityn ánderdiń oryndaýshysy retinde tanymal.
