Foto: https://www.instagram.com/altynbek_tashimbetov/
Ánshi Altynbek Táshimbetov qalalyq aýrýhanada janjal shyǵarǵan, -dep habarlaidy "Ult Aqparat".
Bul týraly jazǵan Mihail Kozachkov telegram-arnasynyń habarlaýynsha dúisenbi kúni tańerteń Altynbek Táshimbetovti "jedel járdem" Almatynyń Ortalyq qalalyq klinikalyq aýrýhanasyna denesinde uryp-soǵý izderi men ish kiimmen alyp kelgen.
"Asa tanymal emes ánshi ózin úlken juldyz siiaqty ustady, sondyqtan ol qabyldaý bólmesinde janjal shyǵardy, resepshnde áinekti syndyrdy jáne kezekshi medbikeni balaǵattady. Kómekke kelgen politseiler ony tynyshtandyrdy. Meniń derekterim boiynsha, Táshimbetovke qatysty eki hattama toltyrylyp, ákimshilik sotqa tartylmaq", -dep jazady Kozachkov.
Almaty politsiia departamenti baspasóz qyzmetiniń habarlaýynsha quqyq buzýshyǵa qatysty QR QK 440-baby jáne QR QK 80-1-babynyń 2-bóligi boiynsha ákimshilik is materialdary jinaqtaldy. 5 AEK (18 460 teńge) kóleminde jaza qarastyrylady.
