Ankarada túbi bir túrki elderi táýelsizdiginiń 30 jyldyǵyna arnalǵan kontsert ótti, dep habarlaidy "Ult aqparat".
Qazaqstannyń Halyqaralyq TÚRKSOI uiymyndaǵy ókili Baqytjan Omarovtyń aitýynsha, atalǵan uiymnyń uiytqy bolýymen uiymdastyrylǵan kontsert Túrkiia Prezidenti simfoniialyq orkestri zalynda ótti. Mádeni is-sharaǵa TÚRKSOI uiymynyń bas hatshysy Dúisen Qaseiinov, Túrkiianyń mádeniet jáne týrizm ministrliginiń ókilderi, diplomatiialyq missiianyń basshylary qatysty.
«Alǵashqy bolyp Súiinbai atyndaǵy Almaty oblystyq filarmoniiasynyń jeke daýystaǵy ánshisi Beibit Musaev qazaqtyń dombyrasyn kúmbirletti. Keiin ulttyq aspaptarmen baýyrlas elderdiń tanymal ánderi oryndaldy. Qazaqstan, Ázerbaijan, Qyrǵyzstan, Túrkmenstan jáne Ózbekstannyń tanymal dirijerleri onlain formatta kontsert berip, kópshiliktiń qoshemetine ielendi», - dedi ol.
