Ankarada Reseidiń Túrkiiadaǵy elshisi Andrei Karlovtyń 2016 jyly jeltoqsanda qastandyqtan qaza tabýyna qatysty kúdiktilerdiń soty bastaldy. Bul týraly BBC habarlady.
Tergeý bul istegi 28 aiyptalýshyny elde tyiym salynǵan FETO uiymyna qatysy bar dep ataidy. Terrorlyq uiym dep tanylǵan FETO jetekshisi Fethýlla Gúlen AQSh-ta turady.
Reseidiń Túrkiiadaǵy elshisi Andrei Karlov 2016 jyly 19 jeltoqsanda Ankarada óner kórmesine sóilep turǵanda ol jerge kúzetshi keipinde kirgen 22 jastaǵy Mevliýt Mert Altyntash esimdi adam ony tý syrtynan birneshe ret atyp jaralaǵan. Elshi uzamai jaraqatynan kóz jumdy. Buryn politsiiada qyzmet istegen Altyntashtyń ózi politsiiamen atysta oqqa ushqan. Altynshash diplomatty atqan kezde "Allahý akbar! Aleppony umytpańdar!" dep aiqailaǵan.
