انكارادا رەسەيدٸڭ تٷركيياداعى ەلشٸسٸ اندرەي كارلوۆتىڭ 2016 جىلى جەلتوقساندا قاستاندىقتان قازا تابۋىنا قاتىستى كٷدٸكتٸلەردٸڭ سوتى باستالدى. بۇل تۋرالى BBC حابارلادى.
تەرگەۋ بۇل ٸستەگٸ 28 ايىپتالۋشىنى ەلدە تىيىم سالىنعان FETO ۇيىمىنا قاتىسى بار دەپ اتايدى. تەررورلىق ۇيىم دەپ تانىلعان FETO جەتەكشٸسٸ فەتحۋللا گٷلەن اقش-تا تۇرادى.
رەسەيدٸڭ تٷركيياداعى ەلشٸسٸ اندرەي كارلوۆ 2016 جىلى 19 جەلتوقساندا انكارادا ٶنەر كٶرمەسٸنە سٶيلەپ تۇرعاندا ول جەرگە كٷزەتشٸ كەيپٸندە كٸرگەن 22 جاستاعى مەۆليۋت مەرت التىنتاش ەسٸمدٸ ادام ونى تۋ سىرتىنان بٸرنەشە رەت اتىپ جارالاعان. ەلشٸ ۇزاماي جاراقاتىنان كٶز جۇمدى. بۇرىن پوليتسييادا قىزمەت ٸستەگەن التىنتاشتىڭ ٶزٸ پوليتسييامەن اتىستا وققا ۇشقان. التىنشاش ديپلوماتتى اتقان كەزدە "اللاحۋ اكبار! الەپپونى ۇمىتپاڭدار!" دەپ ايقايلاعان.
