Áńgime arqaýy – uiymnyń keleshegi

Parlament Senatynyń Tóraǵasy Qasym-Jomart Toqaev Birikken Ulttar Uiymynyń jańadan sailanǵan Bas hatshysy Antoniý Gýterrishpen kezdesti, dep habarlady Senattyń baspasóz qyzmeti.

Q.Toqaev portýgaliialyq saia­satkerdi BUU basshysy laýazymyna sailanýy­men qut­tyqtady jáne tájiri­beli diplomat, saiasatker ári bas­qa­rýshy retinde onyń Uiymǵa qosymsha serpin beretinine senim bildirdi. Senat Tóraǵasy A.Gýterrishtiń shtab-páteri Jenevada ornalasqan BUU Bosqyndar jónindegi Joǵarǵy komissary laýazymyndaǵy tiimdi qyzmetin atap ótti. Q.To­qaevtyń pikirinshe, A.Gý­ter­rish bosqyndar sany adam ait­qysyz (60 millionǵa deiin) ulǵaiýyna ákelip soqqan halyq­aralyq daǵdarystar men qaq­tyǵystardyń barlyq qa­te­rine tabysty túrde qarsy turdy.

Q.Toqaev Qazaqstan dip­lomatiiasy BUU Qaýipsizdik keńesiniń turaqty emes múshe­siniń kúrdeli missiiasyn abyroimen atqarady dep senedi. BUU Qaýipsizdik Keńesindegi bizdiń elimizdiń qyzmeti beibitshilikti qamtamasyz etý, ornyqty damý jáne adam quqyqtaryn qorǵaý jolyndaǵy osy jahandyq uiymnyń áleýetin nyǵaitýǵa yqpal jasaidy. Qazaqstan terrormen kúres, qaqtyǵystardy retteý, ornyqty damýdy qamtamasyz etý jáne qazir­gi zamandaǵy kóptegen máse­le­lerdi BUU júiesiniń úile­simdi jumysyn jáne bar­lyq múshe memleketterdiń bir­les­ken kúsh-jigerin talap etedi. Sondyqtan bizdiń elimiz BUU-nyń jańa Bas hatshysy A.Gý­terrishtiń qyzmetin qoldai­tyn bolady.

Bas hatshy laýazymyna kiriser qarsańda A.Gýterrish BUU Qaýipsizdik Keńesine turaqty múshe bes eldiń astanalaryna jáne Qazaqstannyń elordasyna saparlap otyr. «Qazaqstan BUU Qaýipsizdik Keńesiniń taǵy bir jai turaqty emes múshesi bolyp qana qoimaityny anyq. Sizdiń elińizdiń bitistirýshilik pen únqatysý ornatýda úlken dástúri bar. Qazaqstan halyqaralyq arenada yntymaq kópirin ornatýda mańyzdy ról atqarady. Búginde álemdegi iri elderde, sondai-aq, aimaqtyq derjavalar arasynda biri-birine ózara senimsizdik basym bolyp turǵan kezde, bul Birikken Ulttar Uiymy úshin erekshe mánge ie, – dep atap ótti A.Gýterrish.

Jańa sailanǵan Birik­ken Ulttar Uiymy Bas hat­shysynyń aitýynsha, Qazaq­stan halyqaralyq shiele­nisti azaitýda jáne qajetti sheshimderge qol jetkizýde kómektese alady. A.Gýterrish Qazaqstan men Birikken Ult­tar Uiymynyń birlesken is-qimylynyń negizgi baǵyt­tary qarýsyzdaný, lańkes­tikke qarsy kúres, dinder ara­syndaǵy únqatysý, ekono­mikalyq damý, taǵy basqa da máseleler bolýy tiis dep sanaidy. Sondyqtan, Astanaǵa sapary aiasynda jańa Bas hatshy Qazaqstanmen ynty­maqtastyqtyń jumys alańyn qurýǵa nietti.