Áigili Andromeda galaktikasyndaǵy bir juldyzǵa Dimashtyń aty beriletin boldy, dep habarlaidy QazAqparat.
Bul týraly Qytaidaǵy «Dimashtyń ápkeleri»（@迪玛希姐姐站_DimashSister）atty fanattar toby ózderiniń Veibo áleýmettik jelisindegi jeke paraqshalarynda málim etti.
Málimet boiynsha, olar Amerikanyń Name A Star Live jobasy arqyly Andromedadaǵy bir juldyzdy satyp alyp, ony Dimash Qudaibergen degen atpen juldyzdar kartasyna engizipti. Budan bólek olar bul juldyzdyń ataýyn Space Service INC (SSI) tizimine engizip úlgergen. Bul tizim máńgi SSI-diń ǵaryshtaǵy muraǵatynda saqtalady.
Fanattar toby bul juldyzdy tosyn syi retinde Dimashqa tartý etpekshi.
«Ǵalamdaǵy eń jaryq juldyz - bizdiń eń súiikti ánshimiz Dimash úshin», - dep jazady qazaqstandyq ónerpazdyń Qytaidaǵy jankúierler.
Andromeda shoqjuldyzy II ǵasyrdaǵy áigili grek-rim astronomy Ptolemei belgilegen 48 shoqjuldyzdyń, qazirgi anyqtalǵan 88 shoqjuldyzdyń biri bolyp sanalady, biz turatyn Qus joly júiesine eń jaqyn ornalasqan alyp juldyzdyq júie shoǵyry esepteledi. Ol grek mifologiiasyndaǵy arý - Andromedanyń atymen atalady.
