QR Prezidentiniń ekonomikalyq damý máseleleri jónindegi shtattan tys keńesshisi Sýma Chakrabarti QR Memlekettik qyzmet isteri agenttiginiń tóraǵasy Anar Jaiylǵanovamen kezdesti, dep habarlaidy "Ult aqparat".
Agenttik tóraǵasy Anar Jaiylǵanova Sýma Chakrabartidi vedomstvonyń qurylymymen jáne onyń eldiń memlekettik basqarý júiesindegi rólimen tanystyrdy. Memleket basshysy Qazaqstan halqyna arnaǵan biylǵy Joldaýynda memlekettik basqarýdyń jańa modelin qurý máselelerine erekshe nazar aýdarǵan bolatyn.
Memlekettik qyzmet isteri agenttigi QR Prezidenti Q.Toqaevtyń tapsyrmalaryn iske asyrý aiasynda «Halyq únine qulaq asatyn memleket» tujyrymdamasy qaǵidattaryna sai keletin tehnologiialyq jáne tiimdiligi joǵary memlekettik apparatty qalyptastyrý boiynsha óz ustanymyn ortaǵa saldy.
Kezdesýde táýelsizdik jyldarynan beri Tuńǵysh Prezident - Elbasy N. Nazarbaevtyń basshylyǵymen óziniń tiimdiligin kórsetken memlekettik basqarýdyń júielendirilgen modeli qurylǵany aityldy.
Sondai-aq, agenttik tóraǵasy ázirlenip jatqan «iQyzmet» platformasy bazasynda tsifrlyq tehnologiialardy qoldana otyryp, jańa kózqarastar men tyń bastamalar bar kásibi kadrlardyń jańa klasterin qalyptastyrý baǵytynda birqatar jobanyń iske asyrylyp jatqanyn jetkizdi.
«iQyzmet» platformasy naqty ýaqyt rejiminde memlekettik qyzmettiń sapalyq jáne sandyq sipattamalaryna taldaý júrgizýge múmkindik beredi jáne strategiialyq kadrlyq josparlaýdy iske asyrý boiynsha múmkindikterdi eleýli túrde ulǵaitady.
Óz kezeginde S.Chakrabarti vedomstvo basshylyǵynyń ashyqtyǵy, uzaq merzimdi jáne syndarly yntymaqtastyqqa, sondai-aq memlekettik basqarý salasyndaǵy júieli mindetterdi birlesip iske asyrýǵa niet bildirgeni úshin alǵysyn bildirdi.
