Aitysker aqyn, psiholog jáne qoǵam belsendisi Muhamedjan Tazabek áke ornyn basqan aǵasynyń 70 jasqa tolýyna orai júrekjardy jazba jariialady, dep habarlaidy ult.kz Sn.kz aqparat portalyna silteme jasap.
Onyń aitýynsha, ákesi ómirden ótkennen keiin anasy týǵan qainysy Baqytjanmen qazaqtyń ámeńgerlik dástúri boiynsha shańyraq kótergen.
«Búgin áke orynyndaǵy ákem, anamnyń jary, nemereleriniń atasy, shóbereleriniń babasy — Baqytjan tátem (Tarazda kókeni “táte” dep aitamyz) 70 ke tolyp jatyr. Marqum ákem ómirden ótkesin, anam jesir qalady. Kóp ótpei, úlkenderdiń uiǵarymy, eki jaqtyń batasy, júrekterdiń qalaýymen týǵan baýyry ámeńgerlikpen aq nekesin qiyp alady. Sodan beri jarty ǵasyrǵa jýyq ýaqyt áke orynyna bizge áke bop, óz kindiginen de urpaq órbitip, shańyraǵymyzdyń otaǵasy bop keledi. Endi mine, áýletimizdiń de aqsaqalyna ainaldy», — dep jazdy ol.
Sondai-aq qoǵam belsendisi Baqytjan aqsaqaldyń ózderin eshqashan alalamaǵanyn, barlyq bastamasyna qoldaý kórsetip, anasymen tatý-tátti ǵumyr keship kele jatqanyn atap ótti.
