Men, osy jyldar boiy Qaraǵandy oblysy Qazaqstan halqy Assambleiasy Analar keńesiniń múshesi retinde, qoǵamnyń bir bólshegi retinde Elbasynyń barlyq aiqyndaǵan mindetterin qoldap kelemin. Keshe ǵana "Nur Otan" partiiasynyń sessiiasynda kópbalaly analarǵa qatysty birqatar tapsyrmalary úlken qoldaý taýyp, analardyń, otbasylardyń senimin oiatyp, kúdik kóńilderi serpilip qaldy.
Analar keńesi qoǵamdaǵy ana men bala, otbasy jaǵdaiynyń ózekti máseleleri boiynsha júieli jumys júrgizýge árqashan daiyn. Analar keńesiniń uiymdastyrýymen dostyq pen toleranttylyqty, otbasylyq qundylyqtardy nasihattaityn túrli sharalar men qaiyrymdylyq aktsiialary udaiy ótedi. Solar búginde kóńilge qýanysh syilap, jadaý júrekterge meiirim uialatýda. Ókinishke orai, jetim balalar bizdiń qoǵamdaǵy kúrdeli máselelerdiń biri. Olar ana alaqanynyń jylýyna zárý balǵyndar, sondyqtan analar keńesiniń músheleri balalar úilerinde, qalamyzdaǵy Ana úiine moraldyq turǵydan qamqorlyq jasap, balalarmen kezdesip turady.
Qoǵamdaǵy keleńsiz jáittardyń aldyn alý maqsatynda jastar arasynda orta jáne joǵary oqý oryndarynda kezdesý-suhbattar ótkizý, kópbalaly analarǵa qoldaý kórsetý barshamyzdyń ortaq mindetimiz.
Bizdiń kópultty ólkemizde birneshe etnos ókilderiniń basyn quraǵan etnomádeni birlestikter jumys jasaidy. Keiingi on jyldyń ishinde bulardyń sany eki ese artyp otyr. Oblysta ótetin mádeni sharalarǵa osy birlestikter belsendi qatysady. Nemis, kórei, litva, evrei, ýkrain birlestikteri halyqqa tanymal uiymdar. Olardyń jetekshileri de oblys aktivisteri qatarynda, memlekettik marapattarǵa ie bolǵan syily jerlesterimiz. Atap aitarlyq jái – oblys turǵyndarynyń keiingi jyldarda nemqurailyqtan seiilip, belsendiginiń artqany. Memlekettik tildi de jaqsy meńgergender bar. Osyndai jaǵdai adamdardy jaqyndastyrady, bir maqsatqa umtylýǵa kómektesedi. Oblystaǵy ár etnos ókiliniń sanasynda «Biz - Qazaqstandyqpyz» degen patriottyq uǵym qalyptasyp, óńirdiń kórkeiýine eńbek etý kerektigi, qoǵamdaǵy birlik pen kelisimdi saqtaý jumystary júieli túrde atqarylyp óz jemisin berýde.
Sonymen qatar beibit ómir bizdiń elge ǵana tán bolǵany qazaq halqynyń dana qasietterimen bailanysty ekendigin tarihymyz dáleldep otyr. Bóten demei tórge otyrǵyzyp, baýyryna basyp, dámin usynatyn qazaq eshkimge jamanshylyq oilamaǵan ǵoi. Osyny kezdesýlerge barǵanda basqa ult ókilderi rizashylyqpen aityp jatady. Árine bul aǵa urpaq ókilderiniń kóńili, osyny jastarǵa jetkizýimiz kerek.
Jetken jetistikterdi ári qarai damytý, saqtaý oblystyq Assambleia aktiviniń, árbir qoǵamdyq uiymnyń mindeti ekeni anyq.
"Otan – úiden, oshaq basynan bastalady" degendei, analar ómirge urpaq ákelip, tárbielep, elimizdiń órkendeýine úles qosyp júrgen jandar. Bizdiń keńestiń quramynda oblystyq etno-mádeni ortalyqtardyń músheleri, oblysta attary belgili tijiribeli muǵalimder, dárigerler, kóp balaly analar bar.
Oblystyq Analar keńesiniń músheleri Qazaqstan halqy Assambleiasynyń bastamasyn, eń aldymen ana, ári qazaqstandyqtar retinde, elimizdiń turaqtylyǵy men birliginiń saqtalýyna úles qosatyn sharalardy qyzý qoldaidy. Sebebi, árbir ana qai elde, qai jerde bolmasyn urpaǵy úshin tek beibitshilikti tileidi. Beibit ómir – ár áiel-ananyń armany, áieldiń tabiǵaty men júregine jaqyn úilesimdilik. Ana mahabbaty násilge bólinbeidi. Óskeleń urpaqty kópultty qoǵamda beibit ómir súrýge, Otanyn súietin patriottyqqa tirbieleý – analardyń mindeti bolyp tabylady. Sebebi jastar bolashaǵymyzdyń jalǵastyrýshysy. Jalpy birlikte, kelisimde ómir súrý – óner, osyny úlkendi-kishili bolyp úirenip, jalǵastyryp, alda turǵan maqsattarǵa jetýge úles qosamyz dep oilaimyn.
Qaraǵandy oblysy
Qazaqstan halqy Assambleiasy
Analar keńesiniń Qurmetti Tóraiymy
Salima Nurmaǵanbetova
.jpeg)