«Anaǵa aparar jol» kóptegen ómir synaqtarynan ótken adamnyń taǵdyry týraly áńgimeleidi. Barlyq qiyndyqtardy jeńýge oǵan ana mahabbaty kúsh beredi. Oqiǵanyń negizgi jelisi qazaq halyqynyń basyna túsken aýyr kezeńmen tuspa-tus kelgen: ujymdastyrý, jut, soǵys jáne soǵystan keiingi jyldar.
Kartinanyń basty keiipkeri Iliias erekshe rýhty, erlik pen otansúigishtik jáne keremet qaisar minez kórsetedi. Taǵdyrdyń aýyr soqqylarymen betpe-bet keledi: balalar úii, surapyl soǵys, tutqynǵa túsý, jazasyn óteýshiler lagerine tap bolady. Film ómirlik qundylyqtardyń máni men tirshiliktegi qubylystarǵa ózgeshe kózqaraspen qaraýǵa jol silteidi.
Filmniń túsirilimi Qazaqstanda, Ázerbaijanda jáne Belarýs elderinde ótken. Basty rólderdi Altynai Nógerbek, Ádil Ahmetov, Arýjan Jazylbekova jáne Erkebulan Daiyrov somdaidy. «Anaǵa aparar jol» tarihi dramasy QR Mádeniet jáne sport ministrliginiń tapsyrysymen túsirilgen, bas prodiýseri – Áliia Nazarbaeva.
.jpg)
