«Bala – baýyr etiń» degen eken qazekem. Ózekterin jaryp shyqqan qulynshaǵynyń shybyn jany shyrqyraǵan kezdegi ata-ana qinalysyn sózben aityp jetkizý múmkin emes.
Muratsailyq balǵyn Baqytnurǵa aýdan ortalyǵynda súzek diagnozy qoiylǵan. Degenmen aq halattylar onyń qan quramynan keratin baiqalǵanyn aitqan. Hali nasharlai bastaǵasyn ol dereý sanaviatsiia arqyly oblystyq kóp beiindi balalar aýrýhanasyna jetkiziledi. Bul jerde Baqytnurdyń búirek múshesi tolyq jetilmegeni anyqtalyp, kvota arqyly Astanadaǵy «Ana men bala» ǵylymi ortalyǵyna jiberiledi. Onda balaqaidyń eki bótekesi de semip bara jatqany dáleldenip, dárigerler onyń ómirine qaýip tónip turǵanyn jasyrmaidy.
Al bul ata-ana úshin sózben aityp jetkize almas aýyr jaǵdai edi. Keshe ǵana jaryq dúnie esigin ashqan perishte sábidiń densaýlyǵynda mundai kinárat bolady dep kim oilaǵan?! Ólim men ómir arpalysy… Oilanýǵa mursha bergizbeitin ár minýttyń syrtyly Baqytnur úshin óte mańyzdy tuǵyn. Donor izdeý qajettiligi týǵanda, ata-analarynyń densaýlyqtary tekserilip, bóteke mólsheri kishkentai bolǵandyqtan, tek anasy Symbattyń sol jaq búiregi ulynyń oń jaǵyna úilesimdiligi aitylady.
Osylaisha, óte kúrdeli ota da sátti aiaqtalyp, qazir ekeýi de aman-esen aýylǵa oraldy. Balapany úshin basyn báigege tikken Symbattyń isin erlik emes dep kór! Ol – óz aldyna bólek áńgime. Qazirgi kúni olarǵa aýdandyq aýrýhananyń dárigerleri de qoldan kelgen kómekterin usynyp, aqyl-keńesterin aitýda.
Iá, bári de Jaratqannyń ámiri. Meditsinanyń qaryshtap damyp kele jatqanyn shalǵaidaǵy aýyl adamdary da sezine bastady. Tek Alla Taǵala endi Baqytnurdyń ómirin uzaq qylǵai!
Elimizde aǵza almastyrý otalary 30 jyldan astam boiy jasalyp keledi. Júrek, baýyr transplantatsiiasyn jasaý meditsinada úlken jetistik sanalady.
Al bizdiń aýdanda ol – alǵash ret kezdesip turǵan jáit. Nesin jasyramyz, ai saiyn Astana qalasyna tekseriske baratyn olardyń alatyn dári-dármekteriniń quny da aspandap tur.
Osyndaida meiirimdi de qaiyrymdy jandar qolushyn sozsa ǵoi deisiń, shirkin… Ondai kómekke perzentteri úshin shyryldaǵan Symbat pen Rýfattyń óte muqtaj ekenin aitpasqa amalymyz joq.
Gúlnar QADYROVA,
Bókei ordasy aýdany
"Oral óńiri" gazeti
