«بالا – باۋىر ەتٸڭ» دەگەن ەكەن قازەكەم. ٶزەكتەرٸن جارىپ شىققان قۇلىنشاعىنىڭ شىبىن جانى شىرقىراعان كەزدەگٸ اتا-انا قينالىسىن سٶزبەن ايتىپ جەتكٸزۋ مٷمكٸن ەمەس.
مۇراتسايلىق بالعىن باقىتنۇرعا اۋدان ورتالىعىندا سٷزەك دياگنوزى قويىلعان. دەگەنمەن اق حالاتتىلار ونىڭ قان قۇرامىنان كەراتين بايقالعانىن ايتقان. حالٸ ناشارلاي باستاعاسىن ول دەرەۋ ساناۆياتسييا ارقىلى وبلىستىق كٶپ بەيٸندٸ بالالار اۋرۋحاناسىنا جەتكٸزٸلەدٸ. بۇل جەردە باقىتنۇردىڭ بٷيرەك مٷشەسٸ تولىق جەتٸلمەگەنٸ انىقتالىپ, كۆوتا ارقىلى استاناداعى «انا مەن بالا» عىلىمي ورتالىعىنا جٸبەرٸلەدٸ. وندا بالاقايدىڭ ەكٸ بٶتەكەسٸ دە سەمٸپ بارا جاتقانى دەلەلدەنٸپ, دەرٸگەرلەر ونىڭ ٶمٸرٸنە قاۋٸپ تٶنٸپ تۇرعانىن جاسىرمايدى.
ال بۇل اتا-انا ٷشٸن سٶزبەن ايتىپ جەتكٸزە الماس اۋىر جاعداي ەدٸ. كەشە عانا جارىق دٷنيە ەسٸگٸن اشقان پەرٸشتە سەبيدٸڭ دەنساۋلىعىندا مۇنداي كٸنەرات بولادى دەپ كٸم ويلاعان?! ٶلٸم مەن ٶمٸر ارپالىسى… ويلانۋعا مۇرشا بەرگٸزبەيتٸن ەر مينۋتتىڭ سىرتىلى باقىتنۇر ٷشٸن ٶتە ماڭىزدى تۇعىن. دونور ٸزدەۋ قاجەتتٸلٸگٸ تۋعاندا, اتا-انالارىنىڭ دەنساۋلىقتارى تەكسەرٸلٸپ, بٶتەكە مٶلشەرٸ كٸشكەنتاي بولعاندىقتان, تەك اناسى سىمباتتىڭ سول جاق بٷيرەگٸ ۇلىنىڭ وڭ جاعىنا ٷيلەسٸمدٸلٸگٸ ايتىلادى.
وسىلايشا, ٶتە كٷردەلٸ وتا دا سەتتٸ اياقتالىپ, قازٸر ەكەۋٸ دە امان-ەسەن اۋىلعا ورالدى. بالاپانى ٷشٸن باسىن بەيگەگە تٸككەن سىمباتتىڭ ٸسٸن ەرلٸك ەمەس دەپ كٶر! ول – ٶز الدىنا بٶلەك ەڭگٸمە. قازٸرگٸ كٷنٸ ولارعا اۋداندىق اۋرۋحانانىڭ دەرٸگەرلەرٸ دە قولدان كەلگەن كٶمەكتەرٸن ۇسىنىپ, اقىل-كەڭەستەرٸن ايتۋدا.
يە, بەرٸ دە جاراتقاننىڭ ەمٸرٸ. مەديتسينانىڭ قارىشتاپ دامىپ كەلە جاتقانىن شالعايداعى اۋىل ادامدارى دا سەزٸنە باستادى. تەك اللا تاعالا ەندٸ باقىتنۇردىڭ ٶمٸرٸن ۇزاق قىلعاي!
ەلٸمٸزدە اعزا الماستىرۋ وتالارى 30 جىلدان استام بويى جاسالىپ كەلەدٸ. جٷرەك, باۋىر ترانسپلانتاتسيياسىن جاساۋ مەديتسينادا ٷلكەن جەتٸستٸك سانالادى.
ال بٸزدٸڭ اۋداندا ول – العاش رەت كەزدەسٸپ تۇرعان جەيت. نەسٸن جاسىرامىز, اي سايىن استانا قالاسىنا تەكسەرٸسكە باراتىن ولاردىڭ الاتىن دەرٸ-دەرمەكتەرٸنٸڭ قۇنى دا اسپانداپ تۇر.
وسىندايدا مەيٸرٸمدٸ دە قايىرىمدى جاندار قولۇشىن سوزسا عوي دەيسٸڭ, شٸركٸن… ونداي كٶمەككە پەرزەنتتەرٸ ٷشٸن شىرىلداعان سىمبات پەن رۋفاتتىڭ ٶتە مۇقتاج ەكەنٸن ايتپاسقا امالىمىز جوق.
گٷلنار قادىروۆا,
بٶكەي ورداسى اۋدانى
"ورال ٶڭٸرٸ" گازەتٸ
