Gollandtyq quqyq qorǵaý organdary Amsterdamda ruqsat etilmegen narazylyq aktsiiasyna qatysqan 115 adamdy ustaǵan, dep habarlaidy "Ult aqparat" Nideralandy teleradiohabar taratý korporatsiiasyna silteme jasap.
Telearnanyń málimetinshe, politsiia qyzmetkerlerine kúsh kórsetkeni úshin jeti adam qamalsa, qalǵandary tártip saqshylarynyń nusqaýlaryna baǵynýdan bas tartqany úshin ustalǵan.
Buǵan deiin mýnitsipalitet demonstratsiiaǵa tyiym salǵan bolatyn. Soǵan qaramastan 2 myńǵa jýyq adam áli de el úkimetiniń is-áreketterine jáne ulttyq biliktiń koronavirýs pandemiiasyna qarsy saiasatyna bailanysty narazylyq bildirý úshin qalanyń Mýzei alańyna jinaldy. Olardyń kópshiligi bir-birinen 1,5 m qashyqtyqty saqtamaǵan, maska taqpaǵan.
Amsterdam mýnitsipaliteti adamdardan alańnan ketýdi talap etetin shuǵyl buiryq shyǵardy. Alaida keibir demonstranttar bul talapty oryndaýdan bas tartqan, osyǵan bailanysty politsiia kúsh qoldanyp, sýatqyshty paidalanǵan. Qala biligi atap ótkendei, narazylyq bildirýshilerdiń arasynda shamamen 200-250 adamnan turatyn top bolǵan, olar qarsylasyp, politsiiaǵa tas laqtyrǵan. Olardyń keibireýlerinde jaýyngerlik qolǵap pen sýyq qarý bolǵan.
