Álemdegi eń iri esirtki tasýshynyń biri Niderlandydaǵy Shiphol áýejaiynda ustaldy, dep habarlaidy De Telegraaf.
Tegi qytailyq Kanada azamaty Tse Chi Lop (Tse Chi Lop) Avstraliia men Niderlandy politsiia qyzmetiniń ózara árekettestiginiń arqasynda qolǵa tústi. Ol geroin men sintetikalyq esirtki tasymaldady degen kúdikpen ustalǵan.
Chi Lop «narkoimperiiasynda» 20 mlrd eýrodan astam qarjy ainalymda júr dep esepteledi. Ol kóptegen jyl boiy izdeýde bolǵan.
Niderlandy buqaralyq aqparat quraldary onyń «Sem Gor» atty iri toptyń serkesi bolǵanyn, Aziiada qyzmet etken «Kompaniia» tobynyń basshysy bolǵanyn jazdy.
