Erteń 17-jeltoqsan. Osydan týra 30 jyl buryn - 1986 jyly 16 jeltoqsanda Qonaev ornynan alynyp, Máskeý qazaqtyń basshysy ǵyp, eshkimge belgimiz Kolbindi ákelip, taqqa otyrǵyzǵan kún.
Ol sheshimmen kelispegen qazaq jastary 17-18 jeltoqsan kúnderi alańǵa shyǵyp, ulttyq respýblikalardy basyp-janshyp, ulttyq sanasy uiyqtap jatqan KSRO-ny dúr silkindirgen kún. Qanshama qan men jas tógildi, qanshama ómir men taǵdyr qiyldy! Osy kúnder - Jeltoqsan qurbandaryn eske alatyn kún.
Sonymen birge, 16- jeltoqsan resmi turde Qazaqstannyń eń úlken merekesi - Táýelsizdik kúni, Táýelsizdikten asqan ne bar?! Óz basym aǵymdaǵy ókimetti, saiasi júieni qansha synasaq ta, Táýelsizdik, Bostandyq, Azattyq, El jáne ortaq Memleket degen kieli uǵymdardyń aldynda tik turýymyz qajet, onyń rámizderin syilaýymyz kerek dep oilaimyn.
Sondyqtan da mereke de qutty bolsyn! Sanamyz ben balamyz da táýelsiz bolsyn!
16 jeltoqsannyń taǵy bir qaraly reńki bar; osydan týra 5 jyl buryn bilik Jańaózende qandy qyrǵyn uiymdastaryp, tapa-tal túste beibit adamdardy qyryp saldy! Olardyń da árýaǵy áli de bizge riza emes!
Budan buryn aitqan oiymdy taǵy da qaitalaimyn.
Jeltoqsannyń osy eki kúni qazaqty qiyn jaǵdaiǵa tap qylyp otyr: ári qaraly kún, ári meiram. Meshitke baryp, qurbandarǵa Quran baǵyshtaimyz ba, álde Táýelsizdik toiyn toilaimyz ba? Sondyqtan Táýelsizdik merekesin kezinde burynǵy Respýblika kúni - 25-qazanǵa aýystyrý kerek degen edim. Sol durys siiaqty.
Áitpese, jyl saiyn Jeltoqsan men jańaózen tragediialarynyń qarsańynda barsha stýdentti aýylyna qaitaryp jatqan bidiktiń ishki oiyn barshamyz da túsinemiz ǵoi. Tek ózin kináli sanaǵan bilik qana sondai qadamǵa barady!
Búgin bilikke saiasi, tarihi jáne moraldyq tazarý - katarsis kerek! Ony Jeltoqsan men Jańaózennen bastaý qajet! Toilap, masairap júrip katarsis jasalmaidy!
Jeltoqsan men Jańaózen týraly eshqashan da umytpaiyq! Táýelsizdigimiz baiandy bolsyn!
Ámirjan Qosanovtyń feisbýktegi jazbasynan
