Áigili ánshi Ámire Qashaýbaev týraly jazýshy Júsipbek Aimaýytovtyń «Ánshi» dep atalatyn áńgimesi bar. Osy áńgime Ámireniń ánshiligin, adami bolmysyn, ortasyn jan-jaqty jarqyrata ashqan ádebi eskertkish.
Qalyń jurt Ámireni áýeli «Ánshiden» tanyp edi. 1925 jyly Parijde ótken óner jármeńkesinde qazaq ánin álemge tanytyp, Eýropanyń tańdaiyn qaqqyzyp tańǵaldyrǵan Ámire beinesi endi halyqaralyq kinoekranǵa shyqpaq.
Qazirgi kezde túsirilimi júrip jatqan bul kinokartina 2017 jyly úlken ekranǵa shyǵady dep josparlanyp otyr. Kino jobanyń aty «Ámire». Kino - Mádeniet jáne sport ministrligi tapsyrysy boiynsha «Qazaqfilm» kinostýdiiasy jáne investor, kinoprodiýser Alidar Ótemuratov qatysýymen Qazaqstan men AQSh-tyń birlesip túsirgen alǵashqy týyndysy bolmaq.
«Ámire» filmin amerikalyq rejisser Djef Vespa túsirip jatyr. Stsenarii avtory - Benjamin A. van der Vin. Bizdiń kino salasyna sheteldik kinogerlerdiń aralasýymen túsirilgen filmder barshylyq. Alaida, bári sátti shyqty, tabys tapty, kórermen qyzyǵýshylyǵyn týdyrdy dep aitýǵa kelmeidi.
Biraq, biz sóz etip otyrǵan filmge M.Áýezov atyndaǵy Qazaq Memlekettik drama teatrynyń úsh birdei akteryna negizgi rólder berilgen eken. Olar: Erkebulan Daiyrov, Almas Shaiahmetov jáne Orazhan Kenebaev. Kinodaǵy basty róldi akter Sanjar Mádiev oinaidy. Filmniń boiaýy qanyq, qurylymy men oqiǵa jelisi amerikalyq rejisser men stsenaristtiń kásibi sheberlikterine túser syn bolǵanymen, Eýropaǵa qazaq daýysyn, qazaq ánin jetkizip, sonymen kúlli álemdi qazaq ániniń qudiretine uiytqan Ámire jaily filmdegi ánshi jáne onyń ómiri arqyly beriletin ulttyń minezi, arman-maqsaty, mádenieti, dúniege kózqarasy osynyń bárin joǵaryda aty atalǵan akterlar meilinshe jarqyratyp kórsete alatynyna senim mol. Óitkeni, qazaq bolmysy – qazaq akteriniń qanynda bar.
Akterlerdyń ishinde Erkebulan Daiyrovqa Mustafa Shoqaidyń róli berilgen. Ámireniń Eýropaǵa saparyndaǵy Mustafa Shoqaidyń orny erekshe ekeni belgili. Ánshi keiin elge oralǵan soń, Shoqaimen kezdesýiniń saldarynan qyzyl ókimet tarapynan qysym kórgeni de málim. Sondyqtan, Mustafa beinesi filmdegi eń sheshýi ári burylystarǵa toly sátteri bolady dep oilaimyz. Al, Erkebulan uly maqsattar jetegindegi Shoqaidyń emigratsiiadaǵy ómiriniń Ámiremen jolyǵý sátterin, onyń ánshi taǵdyrynda qaldyrǵan izin tereń sezine otyryp, jetkize alady. Sebebi, buǵan deiin Qazaqstan kino synshylary tarapynan oń baǵa alyp, 37 shi Máskeý halyqaralyq kinofestivalinde úzdik er adam roli nominatsiiasyn ielengen. Ári rejisser Aqan Sataevtyń «Baýyrjan Momyshuly» filminde de basty róldi oinap, batyrdyń obrazyn óte jaqsy alyp shyqqany jáne bar. Demek, Daiyrov óz «Ámire» filminde óziniń kino akterlyq talantynyń taǵy bir qyryn este qalarlyqtai etip kórsetetinine kúmán joq.
Filmdegi taǵy bir aishyqty beine – Jumat Shanin. Shaninniń kino obrazyn Almas Shaiahmetov somdaidy. Jumat Shanin qazaq teatr óneriniń negizin qalaýshy tulǵa. Ómiri teatrynyń óneriniń bastaýynda turǵan tulǵanyń beinesin somdaý teatr akteri úshin asa qiynǵa túspesi anyq. Akterlardyń rólderine qarap otyryp, filmde ótken ǵasyrdyń birinshi shiregindegi qazaq óneri men mádenieti ári qoǵamdyq-saiasi júiesi kórinis tabatynyn ańdaý bolady. Filmniń halyqaralyq prokatqa shyǵarylatyny áý basta aitylǵan. Eger kinokartinanyń prokaty sátti júrse, onda filmge túsken akterlardyń da aldynan úlken jol ashylatyny sózsiz.
M.Áýezov teatry baspasóz qyzmeti
Ult portaly
