Sonymen keshe Donald Tramp Reseige qarsy sanktsiialardy kúsheitetin zańǵa qol qoiypty! Aldynda ǵana AQSh kongresiniń Ókilder palatasy úsh daýys qarsy bolyp, 419 daýys qoldap ótkizgen joba Prezidenttiń qol qoiýyna jiberilgende orystar «Tramp bul zań jobasyna qol qoimaityn shyǵar» dep qatty úmittengen. Ol bolsa oilanyp, tolǵanyp bas qatyrǵan joq. Signatýrasyn súikedi de saldy. Sóitip Resei Federatsiiasyn Iran men KHDR qataryna aparyp qoiatyn qatań zań Máskeý úshin iadrolyq soqqydan kem bolǵan joq. Grigorii Iavlinskii muny «Pýtin men Lavrovtyń búkil syrtqy saiasatynyń kúireýi» dep otyr.
Qazir Resei ainalasyndaǵy kúlli kórshilerimen qyrǵiqabaq jaǵdaida. Baltyq jaǵalaýy elderi baiaǵyda-aq teris ainalyp ketken. Ýkrainamen soǵys júrip jatyr. Moldovamen, Gúrjistanmen eges taýsylar emes. Belorýspen til tabysý qiyndaǵan. Momaqan Qazaqstan eshteme sheshe almaidy. Ortalyq Aziia elderimen bailanys Aýǵanstannan tóngen qaýipti seiiltýge jarasa sonyń ózi quba qup.
Reseidiń ainalasynda senetin kúshti dosy joq. Qytai kómek qolyn sozbasy anyq. EO úshin Reseiden góri AQSh mańyzdy seriktes. Al AQSh-tyń jańa zańy ondaǵan jyldarǵa sozylatyn qyl buraý. Keńes Odaǵyna salynǵan sanktsiia 38 jyldan soń ázer alynǵanyn umytpaiyq. Reseidiń AQSh-qa qarsy salamyz degen sanktsiialary túkke turmaityn balanyń oiynyndai nárse. Resei ulyderjavalyq ambitsiiasy men ásireultshyl shovinizmi saldarynan ainalasyna shynaiy dos jinaityn múmkindikten aiyrylyp qaldy. Resei Soltústik Koreia siiaqty bári túkiretin jiirkenishti elge ainaldy.
Jaǵdaidy qalai túzeýge bolady? Iavlinskiidiń usynysy: Qyrym túbeginiń halyqaralyq-quqyqtyq jaǵdaiyn anyqtaý úshin halyqaralyq konferentsiia uiymdastyrý qajet ári legitimdi referendým ótkizý mańyzdy. Ekinshiden, Donbasta soǵysyp jatqan áskerin keri shaqyryp, Ýkrainamen shekarasyn bekitip, shielenis núktesine qarý-jaraq pen áskeri tehnika jetkizýdi toqtatqany jón. Úshinshiden, Reseidiń Siriiadaǵy azamat soǵysyna qatysýyn doǵarýy qajet.
Eger osy úsh qadam jasalmasa Reseidiń sońǵy imperiia retinde ómir súrýin toqtatatyn kezge kýá bolarymyz anyq.
Marat Toqashbaevtyń feisbýktaǵy jazbasynan
