Foto: QR Parlamenti Májilisi
Májilis depýtaty, belgili aitysker aqyn Amanjol Áltaev Ult.kz-ke Memleket basshysy el tizginin qolǵa alǵan alty jyl ishinde saiasat sahnasynda ǵana emes, óner, mádeniet salasynda da eleýli ózgerister bolǵanyn aitty.
"Osy ýaqyttyń ishinde bizdiń myna mádeniet salasynda úlken-úlken ózindik bir jańalyqtar boldy. Ony kóre bilýimiz kerek. Bul másele keshegi quryltaidaǵy basqosýda da jan-jaqty aityldy. Endi kino salasynda da qordalanǵan máselelerdi sheshý úshin naqty tapsyrmalar berildi", – degen depýtat sońǵy jyldary tól mádenietimizge, ulttyq ónerimizge, ulttyq rýhaniiatymyzǵa erekshe kóńil bólinip kele jatqanyn jasyrmady.
Iaǵni A.Áltaev ótken otyz jyldyń ishinde áttegen-ai degizetin qordalanǵan máseleler rýhaniiat, mádeniet salasynda da bar ekenin aitty.
"Keiingi jyldarda tek qana saiasi, ekonomikalyq reformalardy ǵana emes, jalpy rýhaniiat, mádeniet salasyndaǵy jetildiretin tustarymyzdy Memleket basshysy árbir Joldaýynda da, halyq aldyndaǵy sóilegen árbir sózinde de nazarynan tys qaldyrǵan emes. Jáne de sol qur aitylyp qana qoiǵan joq. Óziniń júieli túrde jalǵasyn taýyp, nátijesin kórsetip kele jatyr. Bul endi bári birdei bir kúnde oryndala salatyn másele emes qoi. Iaǵni uzaq jyldarǵa júieli túrde bekitilgen baǵyt-baǵdar. Sondyqtan da tek qana Prezidenttiń aýzyna qarap otyrmai, ziialy qaýym ókilderi, birinshi kezekte ózimiz, iaǵni mádeniet salasynyń ókilderi kúsh biriktirip, oiǵa oi qosyp, usynystarymyzdy ortaǵa salyp, osy mádeniet salasynyń damýyna úlesimizdi qosýymyz kerek", – dedi Amanjol Áltaev.
Eske sala ketsek, búgin Májilistiń jalpy otyrysynda Memleket basshysynyń el tizginin qolyna alǵan alty jyldan bergi júzege asyryp kele jatqan saiasi reformalary týraly Májilis Tóraǵasy Erlan Qoshanov baiandama jasap, artynsha depýtattar talqyǵa saldy.
Otyrys sońynda Májilis depýtattary elimizdiń barlyq progressivti qoǵamdyq-saiasi kúshterin Memleket basshysynyń tóńireginde toptasýǵa jáne Ádiletti Qazaqstan qurý qaǵidattaryna negizdelgen rezoliýtsiia (qarar) qabyldady.
