فوتو: قر پارلامەنتٸ مەجٸلٸسٸ
مەجٸلٸس دەپۋتاتى, بەلگٸلٸ ايتىسكەر اقىن امانجول ەلتاەۆ Ult.kz-كە مەملەكەت باسشىسى ەل تٸزگٸنٸن قولعا العان التى جىل ٸشٸندە ساياسات ساحناسىندا عانا ەمەس, ٶنەر, مەدەنيەت سالاسىندا دا ەلەۋلٸ ٶزگەرٸستەر بولعانىن ايتتى.
"وسى ۋاقىتتىڭ ٸشٸندە بٸزدٸڭ مىنا مەدەنيەت سالاسىندا ٷلكەن-ٷلكەن ٶزٸندٸك بٸر جاڭالىقتار بولدى. ونى كٶرە بٸلۋٸمٸز كەرەك. بۇل مەسەلە كەشەگٸ قۇرىلتايداعى باسقوسۋدا دا جان-جاقتى ايتىلدى. ەندٸ كينو سالاسىندا دا قوردالانعان مەسەلەلەردٸ شەشۋ ٷشٸن ناقتى تاپسىرمالار بەرٸلدٸ", – دەگەن دەپۋتات سوڭعى جىلدارى تٶل مەدەنيەتٸمٸزگە, ۇلتتىق ٶنەرٸمٸزگە, ۇلتتىق رۋحانيياتىمىزعا ەرەكشە كٶڭٸل بٶلٸنٸپ كەلە جاتقانىن جاسىرمادى.
ياعني ا.ەلتاەۆ ٶتكەن وتىز جىلدىڭ ٸشٸندە ەتتەگەن-اي دەگٸزەتٸن قوردالانعان مەسەلەلەر رۋحانييات, مەدەنيەت سالاسىندا دا بار ەكەنٸن ايتتى.
"كەيٸنگٸ جىلداردا تەك قانا ساياسي, ەكونوميكالىق رەفورمالاردى عانا ەمەس, جالپى رۋحانييات, مەدەنيەت سالاسىنداعى جەتٸلدٸرەتٸن تۇستارىمىزدى مەملەكەت باسشىسى ەربٸر جولداۋىندا دا, حالىق الدىنداعى سٶيلەگەن ەربٸر سٶزٸندە دە نازارىنان تىس قالدىرعان ەمەس. جەنە دە سول قۇر ايتىلىپ قانا قويعان جوق. ٶزٸنٸڭ جٷيەلٸ تٷردە جالعاسىن تاۋىپ, نەتيجەسٸن كٶرسەتٸپ كەلە جاتىر. بۇل ەندٸ بەرٸ بٸردەي بٸر كٷندە ورىندالا سالاتىن مەسەلە ەمەس قوي. ياعني ۇزاق جىلدارعا جٷيەلٸ تٷردە بەكٸتٸلگەن باعىت-باعدار. سوندىقتان دا تەك قانا پرەزيدەنتتٸڭ اۋزىنا قاراپ وتىرماي, زييالى قاۋىم ٶكٸلدەرٸ, بٸرٸنشٸ كەزەكتە ٶزٸمٸز, ياعني مەدەنيەت سالاسىنىڭ ٶكٸلدەرٸ كٷش بٸرٸكتٸرٸپ, ويعا وي قوسىپ, ۇسىنىستارىمىزدى ورتاعا سالىپ, وسى مەدەنيەت سالاسىنىڭ دامۋىنا ٷلەسٸمٸزدٸ قوسۋىمىز كەرەك", – دەدٸ امانجول ەلتاەۆ.
ەسكە سالا كەتسەك, بٷگٸن مەجٸلٸستٸڭ جالپى وتىرىسىندا مەملەكەت باسشىسىنىڭ ەل تٸزگٸنٸن قولىنا العان التى جىلدان بەرگٸ جٷزەگە اسىرىپ كەلە جاتقان ساياسي رەفورمالارى تۋرالى مەجٸلٸس تٶراعاسى ەرلان قوشانوۆ بايانداما جاساپ, ارتىنشا دەپۋتاتتار تالقىعا سالدى.
وتىرىس سوڭىندا مەجٸلٸس دەپۋتاتتارى ەلٸمٸزدٸڭ بارلىق پروگرەسسيۆتٸ قوعامدىق-ساياسي كٷشتەرٸن مەملەكەت باسشىسىنىڭ تٶڭٸرەگٸندە توپتاسۋعا جەنە ەدٸلەتتٸ قازاقستان قۇرۋ قاعيداتتارىنا نەگٸزدەلگەن رەزوليۋتسييا (قارار) قابىلدادى.
