Almaty oblysynda AES qurylysy jaily eshqandai talqylaý da, aralaý da bolǵan emes. Óńir basshysy Amandyq Batalov osylai dep málimdedi, dep habarlaidy "Ult aqparat".
«Birden aitaiyn: iá, ol týraly áńgime boldy. Birneshe nusqa bolǵanyn da bilesizder. Almaty oblysynda, Jambyl óńirinde, Balqash kóliniń mańynda – birneshe nusqa qarastyrylǵan edi. Taǵy bir nusqa retinde Shyǵys Qazaqstan oblysy aityldy. Biraq, bunyń bári sóz kúiinde kúiinde qaldy. Eshqandai jerdi qarastyrý, talqylaý, arnaiy baryp jerdi kórý – munyń bári bolǵan emes. Ony ashyq aita alamyn», - dedi Almaty oblysynyń ákimi Ortalyq kommanikatsiialar qyzmetinde ótken baspasóz máslihatynda.
Eske sala ketsek, osy jyldyń sáýirinde Semei qalasynyń ziialy qaýym ókilderimen kezdesken Memleket basshysy Qasym-Jomart Toqaev atom elektr stansasynyń qurylysyna qatysty oiymen bólisken bolatyn. Memleket basshysy el halqynyń basym bóliginiń pikiri eskerilmesten AES qurylysy týraly sheshim qabyldanbaitynyn aitqan edi.
Óz kezeginde, Energetika ministri Qanat Bozymbaev «Qazaqstanda atom elektr stansasy salyna ma?» degen suraqqa jaýap berip, «halyq narazy bolsa, salmaimyz» degen bolatyn.
