الماتى وبلىسىندا اەس قۇرىلىسى جايلى ەشقانداي تالقىلاۋ دا, ارالاۋ دا بولعان ەمەس. ٶڭٸر باسشىسى اماندىق باتالوۆ وسىلاي دەپ مەلٸمدەدٸ, دەپ حابارلايدى "ۇلت اقپارات".
«بٸردەن ايتايىن: يە, ول تۋرالى ەڭگٸمە بولدى. بٸرنەشە نۇسقا بولعانىن دا بٸلەسٸزدەر. الماتى وبلىسىندا, جامبىل ٶڭٸرٸندە, بالقاش كٶلٸنٸڭ ماڭىندا – بٸرنەشە نۇسقا قاراستىرىلعان ەدٸ. تاعى بٸر نۇسقا رەتٸندە شىعىس قازاقستان وبلىسى ايتىلدى. بٸراق, بۇنىڭ بەرٸ سٶز كٷيٸندە كٷيٸندە قالدى. ەشقانداي جەردٸ قاراستىرۋ, تالقىلاۋ, ارنايى بارىپ جەردٸ كٶرۋ – مۇنىڭ بەرٸ بولعان ەمەس. ونى اشىق ايتا الامىن», - دەدٸ الماتى وبلىسىنىڭ ەكٸمٸ ورتالىق كوممانيكاتسييالار قىزمەتٸندە ٶتكەن باسپاسٶز مەسليحاتىندا.
ەسكە سالا كەتسەك, وسى جىلدىڭ سەۋٸرٸندە سەمەي قالاسىنىڭ زييالى قاۋىم ٶكٸلدەرٸمەن كەزدەسكەن مەملەكەت باسشىسى قاسىم-جومارت توقاەۆ اتوم ەلەكتر ستانساسىنىڭ قۇرىلىسىنا قاتىستى ويىمەن بٶلٸسكەن بولاتىن. مەملەكەت باسشىسى ەل حالقىنىڭ باسىم بٶلٸگٸنٸڭ پٸكٸرٸ ەسكەرٸلمەستەن اەس قۇرىلىسى تۋرالى شەشٸم قابىلدانبايتىنىن ايتقان ەدٸ.
ٶز كەزەگٸندە, ەنەرگەتيكا مينيسترٸ قانات بوزىمباەۆ «قازاقستاندا اتوم ەلەكتر ستانساسى سالىنا ما?» دەگەن سۇراققا جاۋاپ بەرٸپ, «حالىق نارازى بولسا, سالمايمىز» دەگەن بولاتىن.
