Reseidiń Kemerovo oblysynyń gýbernatory Aman Tóleev orynbasary – ákimshilik apparatynyń basshysy Aleksei Zelenindi jumystan bosatty. Sondai-aq ishki saiasat departamentiniń basshysy Nina Lopatina da qyzmetinen ketti.
RIA Novosti habarlaǵandai, Zeleninniń ornyna Kemerovo basshysynyń birinshi orynbasary bolyp Olga Týrbaba, al Lopatinanyń ornyna onyń orynbasary Valentina Nazimok keledi.
Zelenin gýbernator orynbasary jáne Kemerovo oblysy apparatynyń basshysy qyzmetin 2013 jyldan bastap atqardy. Buǵan deiin jastar saiasaty men sport departamentine jetekshilik etken.
Týrbaba 1994 jyldan bastap Kemerovo qalalyq ákimshiliginde jumys istedi. 2016 jyldyń sáýirinen mer orynbasary jáne qala basshysy apparatynyń jetekshisi qyzmetin atqardy.
Ákimshiliktegi taǵaiyndaýlar "Zimniaia vishnia" saýda ortalyǵyndaǵy qaiǵyly oqiǵadan keiin bolyp otyr. Jeksenbi kúni saýda ortalyǵynda alapat órt shyǵyp, 64 adamnyń ómirin qiǵan edi. Qaza tapqandardyń deni – balalar. Órtke qatysty is boiynsha birneshe adam ustaldy.
