رەسەيدٸڭ كەمەروۆو وبلىسىنىڭ گۋبەرناتورى امان تٶلەەۆ ورىنباسارى – ەكٸمشٸلٸك اپپاراتىنىڭ باسشىسى الەكسەي زەلەنيندٸ جۇمىستان بوساتتى. سونداي-اق ٸشكٸ ساياسات دەپارتامەنتٸنٸڭ باسشىسى نينا لوپاتينا دا قىزمەتٸنەن كەتتٸ.
ريا نوۆوستي حابارلاعانداي, زەلەنيننٸڭ ورنىنا كەمەروۆو باسشىسىنىڭ بٸرٸنشٸ ورىنباسارى بولىپ ولگا تۋربابا, ال لوپاتينانىڭ ورنىنا ونىڭ ورىنباسارى ۆالەنتينا نازيموك كەلەدٸ.
زەلەنين گۋبەرناتور ورىنباسارى جەنە كەمەروۆو وبلىسى اپپاراتىنىڭ باسشىسى قىزمەتٸن 2013 جىلدان باستاپ اتقاردى. بۇعان دەيٸن جاستار ساياساتى مەن سپورت دەپارتامەنتٸنە جەتەكشٸلٸك ەتكەن.
تۋربابا 1994 جىلدان باستاپ كەمەروۆو قالالىق ەكٸمشٸلٸگٸندە جۇمىس ٸستەدٸ. 2016 جىلدىڭ سەۋٸرٸنەن مەر ورىنباسارى جەنە قالا باسشىسى اپپاراتىنىڭ جەتەكشٸسٸ قىزمەتٸن اتقاردى.
ەكٸمشٸلٸكتەگٸ تاعايىنداۋلار "زيمنيايا ۆيشنيا" ساۋدا ورتالىعىنداعى قايعىلى وقيعادان كەيٸن بولىپ وتىر. جەكسەنبٸ كٷنٸ ساۋدا ورتالىعىندا الاپات ٶرت شىعىپ, 64 ادامنىڭ ٶمٸرٸن قيعان ەدٸ. قازا تاپقانداردىڭ دەنٸ – بالالار. ٶرتكە قاتىستى ٸس بويىنشا بٸرنەشە ادام ۇستالدى.
