Tanymal jýrnalist Aman Tasyǵan qara jamyldy, dep habarlaidy ult.kz.
Onyń ájesi dúnieden ótti.
Jýrnalist qaraly habardy óziniń jelidegi paraqshasynda bólisti.
"Mynaý apamnyń byltyrǵy beinesi. Bir jyl buryn typ-tyń aramyzda júrgen edi. Osy sóilemdi ótken shaqta jazyp otyrmyn. Sebebi, kemeńgerim, aqylshym, tektim búgin bizdiń janymyzda joq. Jýrnalist bolyp el aldyna shyǵýym osy asyl apamnyń tekti tárbiesiniń arqasynda. Kóńil kóńilden sý isher. Meni jubatqysy kelgen jaqyndaryma alǵys aitamyn. Degenmen ishim ashidy. Ókinish ózekti órteidi. Júrek aýyrady. Saǵynysh kúnnen kúnge kúsheiedi. 90 jasqa keldi. Apanyń armany joq. Balalarynyń aldynda ketti. Dál osyndai jubatýdy kóp adam aitty. Apamnyń armany joq shyǵar, biraq meniń apama qatysty armanym kóp edi… Eh, ajal aityp kelmeidi. Al, ajal aityp kelse ne ister edik? Kóńilde suraq kóp, jaýaby joq… Apaý, jatqan jerińiz jaily bolsyn. Sizdi Alla óz qamqorlyǵyna alsynshy. Osy sózderdi jylap jazyp otyrmyn, ana! Men sizdi qimaimyn. Endi meniń basymnan kim sipaidy. Endi kimge erkeleimin, apa", - dep jazdy ol.
