تانىمال جۋرناليست امان تاسىعان قارا جامىلدى, دەپ حابارلايدى ult.kz.
ونىڭ ەجەسٸ دٷنيەدەن ٶتتٸ.
جۋرناليست قارالى حاباردى ٶزٸنٸڭ جەلٸدەگٸ پاراقشاسىندا بٶلٸستٸ.
"مىناۋ اپامنىڭ بىلتىرعى بەينەسٸ. بٸر جىل بۇرىن تىپ-تىڭ ارامىزدا جٷرگەن ەدٸ. وسى سٶيلەمدٸ ٶتكەن شاقتا جازىپ وتىرمىن. سەبەبٸ, كەمەڭگەرٸم, اقىلشىم, تەكتٸم بٷگٸن بٸزدٸڭ جانىمىزدا جوق. جۋرناليست بولىپ ەل الدىنا شىعۋىم وسى اسىل اپامنىڭ تەكتٸ تەربيەسٸنٸڭ ارقاسىندا. كٶڭٸل كٶڭٸلدەن سۋ ٸشەر. مەنٸ جۇباتقىسى كەلگەن جاقىندارىما العىس ايتامىن. دەگەنمەن ٸشٸم اشيدى. ٶكٸنٸش ٶزەكتٸ ٶرتەيدٸ. جٷرەك اۋىرادى. ساعىنىش كٷننەن كٷنگە كٷشەيەدٸ. 90 جاسقا كەلدٸ. اپانىڭ ارمانى جوق. بالالارىنىڭ الدىندا كەتتٸ. دەل وسىنداي جۇباتۋدى كٶپ ادام ايتتى. اپامنىڭ ارمانى جوق شىعار, بٸراق مەنٸڭ اپاما قاتىستى ارمانىم كٶپ ەدٸ… ەح, اجال ايتىپ كەلمەيدٸ. ال, اجال ايتىپ كەلسە نە ٸستەر ەدٸك? كٶڭٸلدە سۇراق كٶپ, جاۋابى جوق… اپاۋ, جاتقان جەرٸڭٸز جايلى بولسىن. سٸزدٸ اللا ٶز قامقورلىعىنا السىنشى. وسى سٶزدەردٸ جىلاپ جازىپ وتىرمىن, انا! مەن سٸزدٸ قيمايمىن. ەندٸ مەنٸڭ باسىمنان كٸم سيپايدى. ەندٸ كٸمگە ەركەلەيمٸن, اپا", - دەپ جازدى ول.
