2017 jyly elordalyq mýzeilerdiń 44 jádigeri qaita qalpyna keltirildi. Olardyń otyzdan astamy Saiasi qýǵyn-súrgin jáne totalitarizm qurbandarynyń ALJIR memorialdy-murajai keshenine tiesili, dep habarlaidy "Ult aqparat" ákimdiktiń saityna silteme jasap.
«ALJIR» tutqyndarynyń balalaryna, balalardyń analaryna jazǵan hattary, tutqyn áielderdiń 30-shy jyldardaǵy fotosýretteri, aqtaý týraly anyqtamalary, mýzykalyq aspap, saptyaiaq. Saiasi qýǵyn-súrgin jáne totalitarizm qurbandarynyń ALJIR memorialdy-murajai keshenindegi tarihi mańyzy bar osyndai 32 jádiger «Rýhani jańǵyrý» baǵdarlamasynyń sheńberinde restavratsiiadan ótti. Olardyń arasynda «ALJIR» tutqyndary: Roza Tsypkinanyń, Mariia Minkinanyń, Ǵainijamal Ǵaisinanyń, Gertrýda Plataistyń, Rahil Týrkinanyń, Tatiana Shahovanyń, Irina Shýbrikovalardyń qujattary men jeke zattary bar. Murajai kesheniniń bas qor saqtaýshysy Janar Ergeldinanyń aitýyna qaraǵanda, qujattardyń basym bóligi mýzeige 2015 jyly kelip túsken.
«2014 jyldan bastap bizdiń murajaidyń 100-ge jýyq jádigeri qalpyna keltirildi. «Rýhani jańǵyrý» baǵdarlamasynyń aiasynda qalpyna keltirilgen qujattar men fotosýretterdiń túpnusqasy murajaiǵa 2015 jyly kelip túsken bolatyn. Materialdardyń barlyǵy murajaidyń ekspozitsiialaryna qoiyldy. Mysaly, tutqyn - Roza Tsypkinanyń jalǵyz ózine qatysty 10 qujat restavratsiiadan ótken. Olardyń ishinde ol kisiniń lagerden óz balasy Benge jazǵan hattary, fotosýretteri, balalaryna qatysty anyqtamalary bar. Bul qundy qaǵazdar bizge 2015 jyly Roza Tsypkinanyń Kaliforniiada turǵan uly Benniń ózi tapsyrdy», - dedi Janar Ergeldina.
Restavratsiialyq jumystardy «Integratsiia sistem» JShS júrgizdi. Jádigerlerdi qalpyna keltirý barysynda konservatsiia, shańnan, kirden tazartý, túzeý, qujattardyń jyrtylǵan bólikterin qalpyna keltirý, jelimdeý siiaqty jumystar júrgizildi.
«ALJIR» saiasi qýǵyn-súrgin jáne totalitarizm qurbandary murajai-memorialdyq kesheni 2007 jyly Aqmola oblysyna qarasty Tselinograd aýdanynyń ortalyǵy Aqmol aýylynda Elbasy Nursultan Nazarbaevtyń tikelei atsalysýymen ashylǵan bolatyn. Búgingi tańda mýzei qory 15 myńnan astam jádigerden turady.
Ekspozitsiialardy seisenbi men jeksenbi kúnderiniń aralyǵynda tańǵy saǵat 10:00-den keshki saǵat 18:00-ge deiin kórýge bolady.
