2017 جىلى ەلوردالىق مۋزەيلەردٸڭ 44 جەدٸگەرٸ قايتا قالپىنا كەلتٸرٸلدٸ. ولاردىڭ وتىزدان استامى ساياسي قۋعىن-سٷرگٸن جەنە توتاليتاريزم قۇرباندارىنىڭ الجير مەموريالدى-مۇراجاي كەشەنٸنە تيەسٸلٸ, دەپ حابارلايدى "ۇلت اقپارات" ەكٸمدٸكتٸڭ سايتىنا سٸلتەمە جاساپ.
«الجير» تۇتقىندارىنىڭ بالالارىنا, بالالاردىڭ انالارىنا جازعان حاتتارى, تۇتقىن ەيەلدەردٸڭ 30-شى جىلدارداعى فوتوسۋرەتتەرٸ, اقتاۋ تۋرالى انىقتامالارى, مۋزىكالىق اسپاپ, ساپتىاياق. ساياسي قۋعىن-سٷرگٸن جەنە توتاليتاريزم قۇرباندارىنىڭ الجير مەموريالدى-مۇراجاي كەشەنٸندەگٸ تاريحي ماڭىزى بار وسىنداي 32 جەدٸگەر «رۋحاني جاڭعىرۋ» باعدارلاماسىنىڭ شەڭبەرٸندە رەستاۆراتسييادان ٶتتٸ. ولاردىڭ اراسىندا «الجير» تۇتقىندارى: روزا تسىپكينانىڭ, مارييا مينكينانىڭ, عاينيجامال عايسينانىڭ, گەرترۋدا پلاتايستىڭ, راحيل تۋركينانىڭ, تاتيانا شاحوۆانىڭ, يرينا شۋبريكوۆالاردىڭ قۇجاتتارى مەن جەكە زاتتارى بار. مۇراجاي كەشەنٸنٸڭ باس قور ساقتاۋشىسى جانار ەرگەلدينانىڭ ايتۋىنا قاراعاندا, قۇجاتتاردىڭ باسىم بٶلٸگٸ مۋزەيگە 2015 جىلى كەلٸپ تٷسكەن.
«2014 جىلدان باستاپ بٸزدٸڭ مۇراجايدىڭ 100-گە جۋىق جەدٸگەرٸ قالپىنا كەلتٸرٸلدٸ. «رۋحاني جاڭعىرۋ» باعدارلاماسىنىڭ اياسىندا قالپىنا كەلتٸرٸلگەن قۇجاتتار مەن فوتوسۋرەتتەردٸڭ تٷپنۇسقاسى مۇراجايعا 2015 جىلى كەلٸپ تٷسكەن بولاتىن. ماتەريالداردىڭ بارلىعى مۇراجايدىڭ ەكسپوزيتسييالارىنا قويىلدى. مىسالى, تۇتقىن - روزا تسىپكينانىڭ جالعىز ٶزٸنە قاتىستى 10 قۇجات رەستاۆراتسييادان ٶتكەن. ولاردىڭ ٸشٸندە ول كٸسٸنٸڭ لاگەردەن ٶز بالاسى بەنگە جازعان حاتتارى, فوتوسۋرەتتەرٸ, بالالارىنا قاتىستى انىقتامالارى بار. بۇل قۇندى قاعازدار بٸزگە 2015 جىلى روزا تسىپكينانىڭ كاليفورنييادا تۇرعان ۇلى بەننٸڭ ٶزٸ تاپسىردى», - دەدٸ جانار ەرگەلدينا.
رەستاۆراتسييالىق جۇمىستاردى «ينتەگراتسييا سيستەم» جشس جٷرگٸزدٸ. جەدٸگەرلەردٸ قالپىنا كەلتٸرۋ بارىسىندا كونسەرۆاتسييا, شاڭنان, كٸردەن تازارتۋ, تٷزەۋ, قۇجاتتاردىڭ جىرتىلعان بٶلٸكتەرٸن قالپىنا كەلتٸرۋ, جەلٸمدەۋ سيياقتى جۇمىستار جٷرگٸزٸلدٸ.
«الجير» ساياسي قۋعىن-سٷرگٸن جەنە توتاليتاريزم قۇرباندارى مۇراجاي-مەموريالدىق كەشەنٸ 2007 جىلى اقمولا وبلىسىنا قاراستى تسەلينوگراد اۋدانىنىڭ ورتالىعى اقمول اۋىلىندا ەلباسى نۇرسۇلتان نازارباەۆتىڭ تٸكەلەي اتسالىسۋىمەن اشىلعان بولاتىن. بٷگٸنگٸ تاڭدا مۋزەي قورى 15 مىڭنان استام جەدٸگەردەن تۇرادى.
ەكسپوزيتسييالاردى سەيسەنبٸ مەن جەكسەنبٸ كٷندەرٸنٸڭ ارالىعىندا تاڭعى ساعات 10:00-دەن كەشكٸ ساعات 18:00-گە دەيٸن كٶرۋگە بولادى.
