Jerge 370-ten 820 metrge deiingi 153201 (2000 WO107) asteroid jaqyndap keledi, dep habarlaidy "Ult aqparat" NASA Jer mańyndaǵy nysandardy zertteý ortalyǵynyń saityna silteme jasap.
Asteroid 29 qarasha kúni Nur-Sultan ýaqytymen 11:00-de Jerge eń jaqyn qashyqtyqqa keledi. Asteroid pen Jer arasyndaǵy qashyqtyq 4 million km-den asady, bul Aiǵa deiingi qashyqtyqtan 11 ese kóp, sondyqtan ol planetamyzǵa qaýip tóndirmeidi. Degenmen ǵalymdar asteroidtyń qaýiptiligin joqqa shyǵarmaidy, óitkeni ol Jer sharynyń orbitasynan kesip ótedi.
Spektrlik taldaý kórsetkendei, qatty tasty deneniń quramynda nikel, temir jáne kobalt bar. 600 myń asteroid týraly aqparat jinaqtalǵan Asterank málimetter qorynyń baǵalaýynsha, 2000 WO107-degi paidaly qazbalardyń quny 17,4 milliard dollarǵa baǵalanady.
