Altynemel ulttyq parkinde «Qyzyl kitapqa» engen Túrkistan sileýsini videoǵa túsip qaldy, dep habarlaidy QazAqparat.
Onyń videosy parktiń áleýmettik paraqshasynda jariialandy.
Videoda enesiniń artynan shamamen bir jastaǵy 3 sileýsin kúshiginiń erip júrgeni kórýge bolady.
«Bul sirek kezdesetin qubylys. Ádette sileýsin ekiden artyq kúshiktemeidi. Al bul sileýsinde úsheý. Mundai oqiǵa ulttyq saiabaqta sileýsin úshin qolaily ómir súrý jaǵdaiy bar ekenin kórsetedi. Olardyń negizgi azyǵy – sibir taý eshkisiniń laǵy men jabaiy qabannyń balasy jáne sirek kezdesetin kekilikter», – delingen habarlamada.
Aita keteiik, «Altynemel» – Almaty oblysyndaǵy Ile ózeniniń alqabyndaǵy memlekettik ulttyq tabiǵi park.
