Tanymal ánshi Altynai Jorabaeva áleýmettik jelidegi paraqshasynda otbasyndaǵy qýanyshty sátpen bólisti, dep habarlaidy ult.kz.
Óner iesi ata-ájesiniń jien nemeresin kórip, erekshe tolqyǵanyn jazdy. Onyń aitýynsha, olar sábi áli kishkentai bolǵandyqtan, alańdap júrgen.
«Atasy men apasy jien nemeresin kórip, jylap qaldy. “Janym, áli kishkentai ǵoi…” dep ýaiymdap júrgen edi ǵoi. Kórip, kóńilderi ornyna túskendei boldy», – dep jazdy ánshi.
Alaida jazbaǵa pikir bildirgen jeli qoldanýshylary tórkini qonaqqa kelgende shai quiǵan jańa túsken kelindi synǵa aldy.
Keibiri qyzdyń óz tórkini kelgende qyzmet kórsetkenin jónsiz dep sanasa, endi biri mundai salttyń óńirge qarai ártúrli bolatynyn atap ótti.
«Negizi, durys emes. Jańa túsken kelindi tórkinine shai quiǵyzǵany. Basqa kelinder bar ǵoi», – dep jazdy qoldanýshylardyń biri.
Taǵy bir jeli qoldanýshysy: «Mańǵystaýda tórkini kelgende qyzdaryna shai quiǵyzbaidy, ádemi kiindirip, qastaryna otyrǵyzady. Óz tórkinine shai quiǵyzyp qoiǵany uiat emes pe?» – dep pikir bildirdi.
Al taǵy biri: «Shai quiǵyzyp qoiǵany nesi tórkinine? Dym kórmegen siiaqty», – dep jazdy.
