«Altyn Orda» bazarynda saýda jasaityn 2993 azamat kásipker retinde tirkeldi. Bul týraly Memlekettik kirister komiteti málimdedi, dep habarlaidy "Ult aqparat".
Vedomstvo naryqqa qatysty birqatar baqylaý is-sharasyn júrgizgenin atap ótti.
"Altyn Orda" bazarynyń aýmaǵynda saýda jasaityn 2 993 tulǵa kásipker retinde tirkeldi (onyń ishinde aqpanda - 1371, naýryzda - 1443, sáýirde - 179). Buryn esepte turǵan jeke kásipkerler men zańdy tulǵalardyń sany 3 324-ge jetti. Buryn bazar aýmaǵynda 331 salyq tóleýshi esepte turǵan", - delingen habarlamada.
Baqylaý is-sharalary bazardy jalǵa alýshy Altyn Orda QazTrade Ltd JShS jáne KURYLYS LTD - "Qurylys LTD" JShS-ne qatysty júrgizilgen.
"Qabyldanǵan sharalar nátijesinde biýdjetke 1,5 milliard teńge salyq tólendi, onyń ishinde Altyn Orda QazTrade Ltd JShS 1,4 milliard teńge somasyna salyq tóledi, "KURYLYS LTD" JShS - "Qurylys LTD" biýdjetke 92,3 million teńge tóledi.
Sonymen qatar, júrgizilgen jumystardyń qorytyndysy boiynsha KURYLYS LTD JShS jáne Altyn Orda QazTrade Ltd JShS-ge kameralyq baqylaý nátijeleri boiynsha jalpy somasy 1,3 milliard teńgege habarlamalar berilgen, olar boiynsha salyq túrinde 1,1 milliard teńge, 650 million teńge jinaldy", - dep tolyqtyrdy vedomstvo ókilderi.
Kameralyq baqylaý salyq tekserýin júrgizbesten memlekettik kirister organdarynyń habarlama usynýyn bildiredi.
Sonymen qatar, Memlekettik kirister komitetiniń málimetinshe, qazirgi ýaqytta Altyn Orda QazTrade Ltd jáne KURYLYS LTD - "Qurylys LTD" kompaniialaryna qatysty da salyqtyq tekserýler júrgizilip jatyr.
Aqpannyń basynda Prezident Qasym-Jomart Toqaev ákimderge "Altyn Orda" bazarynda tártip ornatýdy tapsyrǵan bolatyn.
