Altyn, kómir, temir, munai, mys ken oryndary memleket menshigine qaitaryldy, dep habarlaidy "Ult aqparat" Úkimet basshysynyń baspasóz qyzmetine silteme jasap.
"Premer-Ministrdiń birinshi orynbasary Roman Skliar qatty paidaly qazbalar men kómirsýtek shikizaty ken oryndaryn memleket menshigine qaitarý máselesi boiynsha keńes ótkizdi.
Úkimet shart talaptaryn buzǵan jer qoinaýyn paidalanýshylarmen jasalǵan kelisimsharttar men litsenziialardy qaita qaraý boiynsha jumys júrgizip jatyr. Osylaisha, júrgizilgen taldaý nátijelerine sáikes ýákiletti organdar 118 kelisimshartty (2023 jyldyń basynan beri – 19 kelisimshart) jáne qatty paidaly qazbalar (PQQ) boiynsha 245 litsenziiany (2023 jyldyń basynan beri – 42 litsenziia), sondai-aq kómirsýtek shikizaty boiynsha 27 kelisimshartty (2023 jyldyń basynan beri – 15 litsenziia) buzdy.
Nátijesinde altyn, kómir, temir, mys, kómirsýtekter, boksitter, polimetaldar jáne t. b. ken oryndary memlekettik qorǵa qaitaryldy, olar keiinnen jańa investorlarǵa berý úshin ashyq aýktsionǵa shyǵarylady. Bul jer qoinaýyn paidalaný salasynda qosymsha investitsiialar aǵynyn qamtamasyz etedi" - delingen habarlamada.
2023 jyly ótkizilgen aýktsiondardyń qorytyndysy boiynsha qazirdiń ózinde el biýdjetine 1,5 mlrd teńge kóleminde qol qoiý bonýsy tólengen. Bul rette kómirsýtegi shikizatyn barlaý boiynsha jańa investitsiialar 15,7 mlrd teńgeden asady.
"Jer qoinaýyn paidalaný quqyǵyn berý boiynsha aýktsionǵa barlyq múddeli investorlar qatysa alady. Olardy ótkizý týraly aqparat mindetti túrde respýblikalyq merzimdi basylymdarda jáne memlekettik organdardyń internet-resýrstaryna ornalastyrylady.
Bul rette ýákiletti organdar qarjylyq mindettemelerdi buzǵan jer qoinaýyn paidalanýshylarǵa aiyppul sanktsiialaryn qoldaný boiynsha jumys júrgizip jatyr. Osylaisha, memleket esebine qatty paidaly qazbalar boiynsha 934 mln teńge aiyppul óndirildi (2023 jyldyń basynan beri 603 mln teńge), sondai-aq kómirsýtek shikizaty salasyndaǵy 9 kelisimshart boiynsha 1,94 mlrd teńge bereshek óteldi.
Úkimettiń jer qoinaýyn paidalaný salasyn odan ári damytý jónindegi jumysy jalǵasady" - delingen habarlamada.
