التىن, كٶمٸر, تەمٸر, مۇناي, مىس كەن ورىندارى مەملەكەت مەنشٸگٸنە قايتارىلدى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
"پرەمەر-مينيستردٸڭ بٸرٸنشٸ ورىنباسارى رومان سكليار قاتتى پايدالى قازبالار مەن كٶمٸرسۋتەك شيكٸزاتى كەن ورىندارىن مەملەكەت مەنشٸگٸنە قايتارۋ مەسەلەسٸ بويىنشا كەڭەس ٶتكٸزدٸ.
ٷكٸمەت شارت تالاپتارىن بۇزعان جەر قويناۋىن پايدالانۋشىلارمەن جاسالعان كەلٸسٸمشارتتار مەن ليتسەنزييالاردى قايتا قاراۋ بويىنشا جۇمىس جٷرگٸزٸپ جاتىر. وسىلايشا, جٷرگٸزٸلگەن تالداۋ نەتيجەلەرٸنە سەيكەس ۋەكٸلەتتٸ ورگاندار 118 كەلٸسٸمشارتتى (2023 جىلدىڭ باسىنان بەرٸ – 19 كەلٸسٸمشارت) جەنە قاتتى پايدالى قازبالار (پقق) بويىنشا 245 ليتسەنزييانى (2023 جىلدىڭ باسىنان بەرٸ – 42 ليتسەنزييا), سونداي-اق كٶمٸرسۋتەك شيكٸزاتى بويىنشا 27 كەلٸسٸمشارتتى (2023 جىلدىڭ باسىنان بەرٸ – 15 ليتسەنزييا) بۇزدى.
نەتيجەسٸندە التىن, كٶمٸر, تەمٸر, مىس, كٶمٸرسۋتەكتەر, بوكسيتتەر, پوليمەتالدار جەنە ت. ب. كەن ورىندارى مەملەكەتتٸك قورعا قايتارىلدى, ولار كەيٸننەن جاڭا ينۆەستورلارعا بەرۋ ٷشٸن اشىق اۋكتسيونعا شىعارىلادى. بۇل جەر قويناۋىن پايدالانۋ سالاسىندا قوسىمشا ينۆەستيتسييالار اعىنىن قامتاماسىز ەتەدٸ" - دەلٸنگەن حابارلامادا.
2023 جىلى ٶتكٸزٸلگەن اۋكتسيونداردىڭ قورىتىندىسى بويىنشا قازٸردٸڭ ٶزٸندە ەل بيۋدجەتٸنە 1,5 ملرد تەڭگە كٶلەمٸندە قول قويۋ بونۋسى تٶلەنگەن. بۇل رەتتە كٶمٸرسۋتەگٸ شيكٸزاتىن بارلاۋ بويىنشا جاڭا ينۆەستيتسييالار 15,7 ملرد تەڭگەدەن اسادى.
"جەر قويناۋىن پايدالانۋ قۇقىعىن بەرۋ بويىنشا اۋكتسيونعا بارلىق مٷددەلٸ ينۆەستورلار قاتىسا الادى. ولاردى ٶتكٸزۋ تۋرالى اقپارات مٸندەتتٸ تٷردە رەسپۋبليكالىق مەرزٸمدٸ باسىلىمداردا جەنە مەملەكەتتٸك ورگانداردىڭ ينتەرنەت-رەسۋرستارىنا ورنالاستىرىلادى.
بۇل رەتتە ۋەكٸلەتتٸ ورگاندار قارجىلىق مٸندەتتەمەلەردٸ بۇزعان جەر قويناۋىن پايدالانۋشىلارعا ايىپپۇل سانكتسييالارىن قولدانۋ بويىنشا جۇمىس جٷرگٸزٸپ جاتىر. وسىلايشا, مەملەكەت ەسەبٸنە قاتتى پايدالى قازبالار بويىنشا 934 ملن تەڭگە ايىپپۇل ٶندٸرٸلدٸ (2023 جىلدىڭ باسىنان بەرٸ 603 ملن تەڭگە), سونداي-اق كٶمٸرسۋتەك شيكٸزاتى سالاسىنداعى 9 كەلٸسٸمشارت بويىنشا 1,94 ملرد تەڭگە بەرەشەك ٶتەلدٸ.
ٷكٸمەتتٸڭ جەر قويناۋىن پايدالانۋ سالاسىن ودان ەرٸ دامىتۋ جٶنٸندەگٸ جۇمىسى جالعاسادى" - دەلٸنگەن حابارلامادا.
