1 mamyrdaǵy jaǵdai boiynsha 111,4 myń otbasyndaǵy 571,1 myń adamǵa ataýly áleýmettik kómek taǵaiyndaldy. Biyl bul maqsatqa biýdjetten 84,7 mlrd teńge bólindi, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Ataýly áleýmettik kómek otbasynyń jan basyna shaqqandaǵy ortasha tabysy óńirlik kúnkóris deńgeiiniń 70%-nan tómen azamattarǵa beriledi.
Sondai-aq, AÁK kórsetýdiń jańa tetigin iske asyrý aiasynda barlyq óńirde tabysy az otbasylardyń mektep jasyna deiingi balalary kepildendirilgen áleýmettik toptamamen qamtamasyz etiledi.
1 mamyrdaǵy jaǵdai boiynsha AÁK alýshylar qataryndaǵy 1 jastan 6 jasqa deiingi 144,6 myń balaǵa azyq-túlik jáne turmystyq himiia jiyntyǵy túrinde áleýmettik toptama taǵaiyndaldy, dedi eńbek ministrligi.
Eske salsaq, biyl qańtar aiynda tótenshe jaǵdai rejimine bailanysty 2021 jyldyń 4 toqsanynda ataýly áleýmettik kómek alǵan azamattarǵa tólemder 2022 jylǵy 1 toqsanǵa avtomatty túrde uzartyldy. Bul rette ataýly kómekke endi ilikkender Elektrondy úkimet portaly arqyly ótinish bere alady.
