1 مامىرداعى جاعداي بويىنشا 111,4 مىڭ وتباسىنداعى 571,1 مىڭ ادامعا اتاۋلى ەلەۋمەتتٸك كٶمەك تاعايىندالدى. بيىل بۇل ماقساتقا بيۋدجەتتەن 84,7 ملرد تەڭگە بٶلٸندٸ, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.
اتاۋلى ەلەۋمەتتٸك كٶمەك وتباسىنىڭ جان باسىنا شاققانداعى ورتاشا تابىسى ٶڭٸرلٸك كٷنكٶرٸس دەڭگەيٸنٸڭ 70%-نان تٶمەن ازاماتتارعا بەرٸلەدٸ.
سونداي-اق, اەك كٶرسەتۋدٸڭ جاڭا تەتٸگٸن ٸسكە اسىرۋ اياسىندا بارلىق ٶڭٸردە تابىسى از وتباسىلاردىڭ مەكتەپ جاسىنا دەيٸنگٸ بالالارى كەپٸلدەندٸرٸلگەن ەلەۋمەتتٸك توپتامامەن قامتاماسىز ەتٸلەدٸ.
1 مامىرداعى جاعداي بويىنشا اەك الۋشىلار قاتارىنداعى 1 جاستان 6 جاسقا دەيٸنگٸ 144,6 مىڭ بالاعا ازىق-تٷلٸك جەنە تۇرمىستىق حيمييا جيىنتىعى تٷرٸندە ەلەۋمەتتٸك توپتاما تاعايىندالدى, دەدٸ ەڭبەك مينيسترلٸگٸ.
ەسكە سالساق, بيىل قاڭتار ايىندا تٶتەنشە جاعداي رەجيمٸنە بايلانىستى 2021 جىلدىڭ 4 توقسانىندا اتاۋلى ەلەۋمەتتٸك كٶمەك العان ازاماتتارعا تٶلەمدەر 2022 جىلعى 1 توقسانعا اۆتوماتتى تٷردە ۇزارتىلدى. بۇل رەتتە اتاۋلى كٶمەككە ەندٸ ٸلٸككەندەر ەلەكتروندى ٷكٸمەت پورتالى ارقىلى ٶتٸنٸش بەرە الادى.
