"Qazaq" laqap atymen tanymal MMA faiteri Baǵdat Dúisembaev Máskeý ortalyǵynda bolǵan janjaldyń jai-japsaryn aityp berdi, - dep habarlaidy Tengrinews.kz tilshisi REN-TV arnasyna silteme jasap.
30 jastaǵy sportshynyń aitýynsha, ol 17 aqpanda tańerteń dostarymen Ordjonikidze kóshesindegi sport klýbyna abonement alýǵa kelgen. Buǵan deiin olarǵa jeńildik beriletini aitylǵan eken. Avtoturaqta Dúisembaev pen onyń dostaryna kúzetshiler kelip, kólikti bes minýtta alyp tastaýy kerek ekenin, sebebi bul kedergi keltiretinin aitqan.
Alaida abonement satýy tiis ortalyq qyzmetkerleri keshikken, al kúzetshiler Dúisembaevtyń aitýynsha, taǵy kelip aýmaqtan ketýdi dóreki túrde talap ete bastaǵan.
"Men "ashýlanyp, bir-birimizdiń miymyzdy qatyrmai-aq qoiaiyq" dep aittym. Ol ketip qaldy. Bes minýttan keiin ol bir jerge kirip, qaityp shyqty... Myltyq alyp shyǵyp oqtai bastady", - dedi faiter.
"Qazaq" eshkim eshkimdi qorqytpaǵandyqtan, kúzetshi oq jaýdyrady dep oilamaǵanyn moiyndady.
"Mundaidy kóp kórsetedi ǵoi, qorqytady, aspanǵa oq atady. Solai qorqytady dep oiladym. Eshteńe suramadym, eshteńe aitpadym. Sosyn oq jaýdyra bastady", - dedi jaýynger.
Keiin sportshy aýrýhanaǵa jatqyzylǵan. Baǵdatqa alty oq atylǵan. Dárigerler oqtardy faiterdiń denesinen shyǵarýǵa májbúr bolǵan.
Aita keteiik, 16 aqpanda qazaqstandyq MMA faiteri Baǵdat Dúisembaevty Máskeýde fitnes klýbtyń kúzetshisi atqany habarlanǵan bolatyn. Sportshyǵa 6 jerinen oq tigen.
