Shyǵys Qazaqstan oblysy Altai aýdanynyń halqy alapat órtten baspanasynan aiyrylǵan otbasylarǵa kómek retinde 8 mln teńge jinady, dep habarlaidy "Ult aqparat".
Birneshe kún ishinde «Nash gorod Zyrianovsk» jeke qaiyrymdylyq qoryna kásipkerler, ákimdik qyzmetkerleri men aýdan turǵyndary atynan 8 million teńgeden astam qarajat tústi.
Búkil jinalǵan soma Ridder qalasynyń «Birlik» qaiyrymdylyq qoryna aýdaryldy.
«Sondai-aq «Nur Otan» partiiasynyń Altai aýdandyq filialynda gýmanitarlyq kómek aktsiiasy jariialanyp, oǵan jergilikti jurtshylyq, kásipkerler men túrli uiym ókilderi belsendi qatysty. Nátijesinde 2 tonnadan astam ártúrli tamaq ónimderi, dári-dármek jáne jeke gigiena zattary jinaldy. Budan bólek, Ridderge kórpe-jastyqtar, balalarǵa arnalǵan 11 tósek pen qurylys materialdary da jiberildi», - dep habarlady ShQO Aqparat ortalyǵy.
Esterińizge sala ketsek, 10 mamyrda Shyǵys Qazaqstandaǵy Ridder orman sharýashylyǵynda alapat órt shyqqan bolatyn.
Órtten 1 adam qaza taýyp, ekeýi jaraqat alǵan.
Memleket basshysy Úkimet pen Shyǵys Qazaqstan oblysynyń ákimdigine tilsiz jaýdan zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
11 mamyrda saǵat 18.20 órt aýyzdyqtaldy.
