Qyrǵyzstannyń memlekettik ulttyq qaýipsizdik komiteti 3 sáýirde eldiń burynǵy prezidenti "Almazbek Atambaev ustaldy" degen aqparattyń jalǵan ekenin habarlady. Komitettiń aitýynsha, Tash-Moinak aýylynda ony ustaý boiynsha eshqandai operatsiia júrgizilmegen.
Komitet ókilderi Azattyqtyń Qyrǵyz qyzmetine mundai sybystyń WhatsApp jelisinde jýyrda taraǵanyn aitqan.
Qyrǵyzstannyń memlekettik ulttyq qaýipsizdik komiteti jalǵan aqparattyń taratylýyn "destrýktivti kúshterdiń qoǵamdy shatystyrý úshin" jasap otyrǵan amaly retinde baǵalaǵan. Osyǵan bailanysty bul sybysty taratqan azamattardy izdep jatqanyn da jetkizgen.
Almazbek Atambaev Qyrǵyzstandy 2011 jyldyń 1-jeltoqsany men 2017 jyldyń 17-qarasha aralyǵynda basqarǵan. Prezident ókiletin toqtatqanan keiin Qyrǵyzstannyń sotsial-demokratiialyq partiiasynyń tóraǵasy boldy.
2018 jyly 3 sáýirde Qyrǵyzstannyń sotsial-demokratiialyq partiiasynyń sezi ótip, "Atambaevsyz QSDP" qozǵalysynyń jetekshisi retinde Saǵynbek Abdrahmanov taǵaiyndaldy. Al biraq burynǵy prezident Almazbek Atambaev jáne onyń jaqtastary áli kúnge deiin partiianyń zańsyz ekenin aityp keledi. Olar 6 sáýirde Qyrǵyzstannyń sotsial-demokratiialyq partiiasynyń XVIII sezin ótkizýdi josparlap otyr.
