قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸ 3 سەۋٸردە ەلدٸڭ بۇرىنعى پرەزيدەنتٸ "المازبەك اتامباەۆ ۇستالدى" دەگەن اقپاراتتىڭ جالعان ەكەنٸن حابارلادى. كوميتەتتٸڭ ايتۋىنشا, تاش-مويناك اۋىلىندا ونى ۇستاۋ بويىنشا ەشقانداي وپەراتسييا جٷرگٸزٸلمەگەن.
كوميتەت ٶكٸلدەرٸ ازاتتىقتىڭ قىرعىز قىزمەتٸنە مۇنداي سىبىستىڭ WhatsApp جەلٸسٸندە جۋىردا تاراعانىن ايتقان.
قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸ جالعان اقپاراتتىڭ تاراتىلۋىن "دەسترۋكتيۆتٸ كٷشتەردٸڭ قوعامدى شاتىستىرۋ ٷشٸن" جاساپ وتىرعان امالى رەتٸندە باعالاعان. وسىعان بايلانىستى بۇل سىبىستى تاراتقان ازاماتتاردى ٸزدەپ جاتقانىن دا جەتكٸزگەن.
المازبەك اتامباەۆ قىرعىزستاندى 2011 جىلدىڭ 1-جەلتوقسانى مەن 2017 جىلدىڭ 17-قاراشا ارالىعىندا باسقارعان. پرەزيدەنت ٶكٸلەتٸن توقتاتقانان كەيٸن قىرعىزستاننىڭ سوتسيال-دەموكراتييالىق پارتيياسىنىڭ تٶراعاسى بولدى.
2018 جىلى 3 سەۋٸردە قىرعىزستاننىڭ سوتسيال-دەموكراتييالىق پارتيياسىنىڭ سەزٸ ٶتٸپ, "اتامباەۆسىز قسدپ" قوزعالىسىنىڭ جەتەكشٸسٸ رەتٸندە ساعىنبەك ابدراحمانوۆ تاعايىندالدى. ال بٸراق بۇرىنعى پرەزيدەنت المازبەك اتامباەۆ جەنە ونىڭ جاقتاستارى ەلٸ كٷنگە دەيٸن پارتييانىڭ زاڭسىز ەكەنٸن ايتىپ كەلەدٸ. ولار 6 سەۋٸردە قىرعىزستاننىڭ سوتسيال-دەموكراتييالىق پارتيياسىنىڭ XVIII سەزٸن ٶتكٸزۋدٸ جوسپارلاپ وتىر.
