Almatyda júzege asqan «Sergek» qoǵamdyq jáne jol qozǵalysy júiesi IDC Smart Cities and Communities Europe and Central Asia Awards «Aqyldy qalalar men qoǵamdastyqtar» jobalarynyń baiqaýynda birinshi oryndy ielendi, dep habarlaidy "Ult aqparat".
Bul baiqaýǵa 2020 jyly 12 elden 40-tan astam joba qatysty. Almatynyń «Sergek» qoǵamdyq jáne jol qozǵalysy júiesi «Kóliktiń intellektýaldyq júiesi» nominatsiiasynda birinshi oryndy aldy. Máskeýlik intellektýaldyq baǵdarshamdar ekinshi oryndy aldy. Jobalar IDC-tiń arnaiy júldelerimen marapattalyp, 2020 jyldyń «Aqyldy qalalar men qoǵamdastyqtar» jobalarynyń úzdikter jinaǵyna enetin bolady. Jalpy, baiqaý aiasynda bes nominatsiia boiynsha 15 joba úzdik dep jariialandy.
«Bizdiń aldymyzda úlken maqsattar turdy, men jobaǵa qatysqandardyń barlyǵyna alǵys aitamyn. Menińshe, bul baiqaý Orta Aziianyń jańa qurylymdyq júiesin damytýdaǵy tamasha múmkindik ári jasandy intellektke negizdeledi. Tek videobaqylaý men videomonitoringter ǵana emes, sonymen qatar intelektýaldyq ákimshilik qaýipsizdikti qamtamasyz etedi»,- dep atap ótti Almaty qalasy Tsifrlandyrý basqarmasynyń basshysy Baian Qońyrbaev.
Jalpy Almaty eki nominatsiia boiynsha júldege ie boldy. Onyń ishinde «COVID-19 pandemiiasyna jaýap retinde eptilik pen yntymaqtastyqty arttyrý úshin qaýipsizdik málimetterin paidalanatyn qalalar arasynda» júldesi boiynsha da syilyq aldy.
Qorytyndy tizimge úsh bastama endi. Olar Rein-Nekkar-Kreis okrýgindegi COVID-19-ǵa qatysty tósek-oryndar basqarmasy, Almatynyń selge qarsy avtomattandyrylǵan monitoring júiesi jáne Valensiiadaǵy COVID-19 boiynsha biryńǵai aqparattyq júie.
«Tsifrly Qazaqstan» memlekettik baǵdarlamasy aiasynda «Aqyldy qala» strategiiasyna sáikes Almaty qalasy Tótenshe jaǵdailar departamenti Kishi jáne Úlken Almaty, Qarǵaly jáne Aqsai ózenderiniń basseinderinde sel monitoringin júrgizýdiń avtomattandyrylǵan júiesin engizý boiynsha jumystar júrgizýde. Joba aiasynda «Qazseldenqorǵaý» aýmaqtarynda avtomattandyrylǵan jumys oryndary bar 31 stantsiia salynýda. 2019 jyly 10 ASM stantsiiasy iske qosyldy, al qalǵan 21 stantsiiany 2021 jyly iske qosý josparlanyp otyr.
