الماتىدا جٷزەگە اسقان «سەرگەك» قوعامدىق جەنە جول قوزعالىسى جٷيەسٸ IDC Smart Cities and Communities Europe and Central Asia Awards «اقىلدى قالالار مەن قوعامداستىقتار» جوبالارىنىڭ بايقاۋىندا بٸرٸنشٸ ورىندى يەلەندٸ, دەپ حابارلايدى "ۇلت اقپارات".
بۇل بايقاۋعا 2020 جىلى 12 ەلدەن 40-تان استام جوبا قاتىستى. الماتىنىڭ «سەرگەك» قوعامدىق جەنە جول قوزعالىسى جٷيەسٸ «كٶلٸكتٸڭ ينتەللەكتۋالدىق جٷيەسٸ» نوميناتسيياسىندا بٸرٸنشٸ ورىندى الدى. مەسكەۋلٸك ينتەللەكتۋالدىق باعدارشامدار ەكٸنشٸ ورىندى الدى. جوبالار IDC-تٸڭ ارنايى جٷلدەلەرٸمەن ماراپاتتالىپ, 2020 جىلدىڭ «اقىلدى قالالار مەن قوعامداستىقتار» جوبالارىنىڭ ٷزدٸكتەر جيناعىنا ەنەتٸن بولادى. جالپى, بايقاۋ اياسىندا بەس نوميناتسييا بويىنشا 15 جوبا ٷزدٸك دەپ جارييالاندى.
«بٸزدٸڭ الدىمىزدا ٷلكەن ماقساتتار تۇردى, مەن جوباعا قاتىسقانداردىڭ بارلىعىنا العىس ايتامىن. مەنٸڭشە, بۇل بايقاۋ ورتا ازييانىڭ جاڭا قۇرىلىمدىق جٷيەسٸن دامىتۋداعى تاماشا مٷمكٸندٸك ەرٸ جاساندى ينتەللەكتكە نەگٸزدەلەدٸ. تەك ۆيدەوباقىلاۋ مەن ۆيدەومونيتورينگتەر عانا ەمەس, سونىمەن قاتار ينتەلەكتۋالدىق ەكٸمشٸلٸك قاۋٸپسٸزدٸكتٸ قامتاماسىز ەتەدٸ»,- دەپ اتاپ ٶتتٸ الماتى قالاسى تسيفرلاندىرۋ باسقارماسىنىڭ باسشىسى بايان قوڭىرباەۆ.
جالپى الماتى ەكٸ نوميناتسييا بويىنشا جٷلدەگە يە بولدى. ونىڭ ٸشٸندە «COVID-19 پاندەميياسىنا جاۋاپ رەتٸندە ەپتٸلٸك پەن ىنتىماقتاستىقتى ارتتىرۋ ٷشٸن قاۋٸپسٸزدٸك مەلٸمەتتەرٸن پايدالاناتىن قالالار اراسىندا» جٷلدەسٸ بويىنشا دا سىيلىق الدى.
قورىتىندى تٸزٸمگە ٷش باستاما ەندٸ. ولار رەين-نەككار-كرەيس وكرۋگٸندەگٸ COVID-19-عا قاتىستى تٶسەك-ورىندار باسقارماسى, الماتىنىڭ سەلگە قارسى اۆتوماتتاندىرىلعان مونيتورينگ جٷيەسٸ جەنە ۆالەنسيياداعى COVID-19 بويىنشا بٸرىڭعاي اقپاراتتىق جٷيە.
«تسيفرلى قازاقستان» مەملەكەتتٸك باعدارلاماسى اياسىندا «اقىلدى قالا» ستراتەگيياسىنا سەيكەس الماتى قالاسى تٶتەنشە جاعدايلار دەپارتامەنتٸ كٸشٸ جەنە ٷلكەن الماتى, قارعالى جەنە اقساي ٶزەندەرٸنٸڭ باسسەيندەرٸندە سەل مونيتورينگٸن جٷرگٸزۋدٸڭ اۆتوماتتاندىرىلعان جٷيەسٸن ەنگٸزۋ بويىنشا جۇمىستار جٷرگٸزۋدە. جوبا اياسىندا «قازسەلدەنقورعاۋ» اۋماقتارىندا اۆتوماتتاندىرىلعان جۇمىس ورىندارى بار 31 ستانتسييا سالىنۋدا. 2019 جىلى 10 ASM ستانتسيياسى ٸسكە قوسىلدى, ال قالعان 21 ستانتسييانى 2021 جىلى ٸسكە قوسۋ جوسپارلانىپ وتىر.
