Almaty ortalyǵyndaǵy birneneshe kommertsiialyq nysan buzyldy. Bul týraly qala qurylysyn baqylaý basqarmasy málim etti, dep habarlaidy "Ult aqparat".
Sot sheshimimen Qarasai batyr men Áitiev kóshesiniń qiylysynda ornalasqan kólik jýý orny men birqatar kommertsiialyq nysan súrildi.
«Tekserý kezinde nysan zańsyz salynǵany anyqtaldy. Biz birden sotqa talap-aryz berdik. Almaty qalalyq sotynyń sheshimi boiynsha talap aryzdar tolyǵymen qanaǵattandyryldy», - dep habarlady basqarmadan.
Basqarma málimetinshe, nysandy paidalanýǵa qabyldaý aktisin sot jaramsyz dep tanyp, onyń Almaty qalalyq Ádilet departamentindegi tirkeýiniń kúshin joiǵan.
Qańtar aiynda sot oryndaýshylarymen birge nysandy buzý bastalyp, búginde jumys tolyǵymen aiaqtaldy.
