Foto: Almaty.tv
Almatynyń keibir kósheleriniń toǵysqan tustarynda «vafli» túrindegi jańa jol tańbalary paida boldy. Bul arqyly qala ákimdigi kólik qozǵalysyndaǵy tyǵyn máselesin azaitýdy kózdep otyr, dep habarlaidy Ult.kz politsiia departamentiniń málimetine súiene otyryp.
Politsiia departamentiniń ókilderi atap ótkendei, «vafli» jol tańbasy joldyń ótkizý qabiletin arttyrýǵa jáne keptelisterdiń aldyn alýǵa baǵyttalǵan. Mundai belgiler kólik aǵymy jii bolatyn qiylystarǵa qoiylyp, jol bóligi bos bolmaǵan kezde sol aýmaqqa kirýge tyiym salýdy bildiredi.
"Bul shara kólik júrgizýshileri kóp júretin kóshe qiylystaryna kirgen kezde jii týyndaityn jasandy keptelisterdi azaitýǵa baǵyttalǵan. Jańa belgiler kólik qozǵalysyn retti jáne qaýipsiz etýge áser etedi", - dep atap ótti Almaty qalalyq Ákimshilik politsiia basqarmasynyń bastyǵy Ashat Qulbaev.
Sondai-aq málimet boiynsha «Vafli» belgisi qiylystyń shekarasyn aiqyndap, júrgizýshilerge alda keptelis bolsa, ol jerge ótpeý qajettigin eskertedi.
«Vafli» belgi qandai núktelerde ornalastyrylǵan?
Politsiia basqarmasynyń dereginshe, bul jol syzbalary Abai dańǵyly men Nazarbaev dańǵylynyń qiylysy, Abai dańǵyly men Momyshuly kóshesiniń qiylysy jáneTóle bi kóshesi men Rozybakiev kóshesiniń qiylysynda ornalasqan.
