Almaty qalasynda biryńǵai erejelerdi qurý boiynsha jumys jalǵasýda. Dizain-kod jobasyn turǵyndar talqylaýyna usyný eldegi jáne Almatydaǵy epidemiologiialyq jaǵdaiǵa bailanysty shegerilip otyr. Bul týraly qalalyq Josparlaý jáne ýrbanistika basqarmasynan málim etti, dep habarlaidy "Ult aqparat".
Basqarmanyń málimetinshe, Almatynyń dizain-kod jobasy - Qazaqstandaǵy pilottyq joba. Ol 2017 jyly bastalǵan. Bul - kúrdeli jumys. Sondyqtan muqiiat zertteýdi, shyǵarmashylyqty jáne naqty belgilengen erejelerdi talap etedi. Jobanyń birqatar pýnkteri boiynsha qoǵamdyq tyńdaýlar ótkizildi.
«Pandemiiaǵa bailanysty qoǵamdyq tyńdaýlar ýaqytsha toqtatyldy. Qazir qalanyń barlyq sýbektilerinen dizain-kod boiynsha usynystar men eskertpeler jinaqtalýda. Almatydaǵy keibir iri tamaqtandyrý oryndary kúrdeli jóndeý jumystaryn júrgizý úshin dizain-kod jobasyna qatysty usynystar suraidy»,– dep habarlady basqarmadan.
Qalada biryńǵai erejelerdi qurý boiynsha jumys jalǵasýda. Eldegi jáne Almatydaǵy epidemiologiialyq jaǵdai turaqtalǵan soń dizain-kod jobasy qala turǵyndarynyń talqylaýyna qaita usynylatyn bolady.
Dizain-kod – qalany, qala kóshelerin, qoǵamdyq aimaqtardy bezendirýdiń biryńǵai sáýlettik stili. Jobanyń maqsaty – ǵimarat qasbetteriniń elementterine qoiylatyn biryńǵai talapty ázirleý: kireberis, mańdaishalar, aqparattyq taqtalar, balkon qorshaýlary, aýabaptaǵysh jáne t.b.
