الماتى قالاسىندا بٸرىڭعاي ەرەجەلەردٸ قۇرۋ بويىنشا جۇمىس جالعاسۋدا. ديزاين-كود جوباسىن تۇرعىندار تالقىلاۋىنا ۇسىنۋ ەلدەگٸ جەنە الماتىداعى ەپيدەميولوگييالىق جاعدايعا بايلانىستى شەگەرٸلٸپ وتىر. بۇل تۋرالى قالالىق جوسپارلاۋ جەنە ۋربانيستيكا باسقارماسىنان مەلٸم ەتتٸ, دەپ حابارلايدى "ۇلت اقپارات".
باسقارمانىڭ مەلٸمەتٸنشە, الماتىنىڭ ديزاين-كود جوباسى - قازاقستانداعى پيلوتتىق جوبا. ول 2017 جىلى باستالعان. بۇل - كٷردەلٸ جۇمىس. سوندىقتان مۇقييات زەرتتەۋدٸ, شىعارماشىلىقتى جەنە ناقتى بەلگٸلەنگەن ەرەجەلەردٸ تالاپ ەتەدٸ. جوبانىڭ بٸرقاتار پۋنكتەرٸ بويىنشا قوعامدىق تىڭداۋلار ٶتكٸزٸلدٸ.
«پاندەميياعا بايلانىستى قوعامدىق تىڭداۋلار ۋاقىتشا توقتاتىلدى. قازٸر قالانىڭ بارلىق سۋبەكتٸلەرٸنەن ديزاين-كود بويىنشا ۇسىنىستار مەن ەسكەرتپەلەر جيناقتالۋدا. الماتىداعى كەيبٸر ٸرٸ تاماقتاندىرۋ ورىندارى كٷردەلٸ جٶندەۋ جۇمىستارىن جٷرگٸزۋ ٷشٸن ديزاين-كود جوباسىنا قاتىستى ۇسىنىستار سۇرايدى»,– دەپ حابارلادى باسقارمادان.
قالادا بٸرىڭعاي ەرەجەلەردٸ قۇرۋ بويىنشا جۇمىس جالعاسۋدا. ەلدەگٸ جەنە الماتىداعى ەپيدەميولوگييالىق جاعداي تۇراقتالعان سوڭ ديزاين-كود جوباسى قالا تۇرعىندارىنىڭ تالقىلاۋىنا قايتا ۇسىنىلاتىن بولادى.
ديزاين-كود – قالانى, قالا كٶشەلەرٸن, قوعامدىق ايماقتاردى بەزەندٸرۋدٸڭ بٸرىڭعاي سەۋلەتتٸك ستيلٸ. جوبانىڭ ماقساتى – عيمارات قاسبەتتەرٸنٸڭ ەلەمەنتتەرٸنە قويىلاتىن بٸرىڭعاي تالاپتى ەزٸرلەۋ: كٸرەبەرٸس, ماڭدايشالار, اقپاراتتىق تاقتالار, بالكون قورشاۋلارى, اۋاباپتاعىش جەنە ت.ب.
