Qala ákimi Baqytjan Saǵyntaevtyń tapsyrmasy boiynsha Almaty statsionarlarynyń, emhanalary men dárihanalarynyń dári-dármek quraldarymen jáne meditsinalyq maqsattaǵy buiymdarmen qamtamasyzdyǵyna apta saiyn monitoring júrgizilip otyrady.
Búgingi kúni, koronavirýs infektsiiasyn emdeýge arnalǵan preparattar qalanyń barlyq dárihanalarynda bar. Qamtamasyzdyq shamamen 90%-dy quraidy, dárihana qoimalarynda 1 mln-nan astam (1037 myń) dári bar.
Budan basqa, naryqty tolyqtyrý úshin Turaqtandyrý qory qarajattarynyń esebinen qala dárihanalaryna dári-dármek preparattaryn jetkizý jalǵasýda.
Qazirgi ýaqytta, ákelýge josparlanǵan 40,1 mln dári-dármek quraldary men meditsinalyq maqsattaǵy buiymdardyń qalaǵa jetkizilgeni 47,2 mln (118%), 23,4 mln satyldy, qoldaǵy bary 23,8 mln onyń ishinde, azaimaityn qaldyǵy 8 mln.
Osylaisha, qalada nyqtylyqtyń eki ailyq qory qalyptastyryldy. Qala dárihanalarynyń meditsinalyq betperdelermen qamtamasyzdyǵy 95 paiyz. Almatyda 6 iri otandyq kompaniia jumys isteidi, onyń birlesken óndiristik qýaty kúnine 1 mln betperdege deiin jetedi. Qala dárihanalaryna maska kún saiyn kelip túsedi.
Qoimalarda shamamen 456 myń termometr, onyń ishinde, dárihanalarda — 7590 dana, jabdyqtaýshyda (BIOLA) 448 245 dana bar. Aqpanda qosymsha 150 myń termometr jetkiziledi dep kútilýde. Jalpy alǵanda, Almatyda dári-dármekke, sondai-aq meditsinalyq betperdelerge degen joǵary suranys baiqalmaidy. Jaǵdai turaqty.
