Almaty qalasy Sáýlet jáne qala qurylysy basqarmasyna jańa basshy keldi. Bul qyzmetke burynǵy basshynyń orynbasary bolǵan Almashan Ahmedjanov taǵaiyndaldy, dep habarlaidy "Ult aqparat".
Almashan Ahmedjanov Almaty qalasynda týǵan. Almaty qalasy Sáýlet jáne qala qurylysy basqarmasynda 19 jyldan beri qyzmet etip keledi, eńbek jolyn bas maman retinde bastaǵan.
Sońǵy 10 jyl boiy atalǵan basqarma basshysynyń orynbasary boldy. Abai atyndaǵy Qazaq memlekettik ýniversitetiniń, M.Tynyshbaev atyndaǵy kólik jáne kommýnikatsiia akademiiasynyń túlegi, mamandyǵy boiynsha «Injener-qurylysshy».
Jańadan taǵaiyndalǵan bas sáýletshiniń aldyna birqatar mindetter qoiyldy.
Almashan Ahmedjanov «Qala adamdar úshin» kontseptsiiasy aiasynda halyqaralyq tájiribeler men innovatsiialyq tehnologiialardy qoldana otyryp jumys tiimdiligin arttyrý jáne jaily ári ekologiialyq taza qala keńistigin qalyptastyrýǵa mindetteldi.
Bulardan ózge, qurylys jobalaryn jasaýǵa barynsha kreativti arhitektorlar men jobalaýshylardy tartý, qalada áleýeti joǵary bilimdi ári tájiribeli kadrlar quramyn qalyptastyrý qajet. Ol úshin «Almaty BAS JOSPAR» ǴZI bazasynda jas mamandarǵa qoldaý kórsetetin kreativti ideialar Ortalyǵy qurylatyn bolady.
Aita keterligi, munyń aldynda Almaty ákimi Baýyrjan Baibek keler jyldyń basynda qalany damytýdyń sheberlik josparynyń ashyq jariialanatynyn aitqan edi. Qalanyń árbir turǵyny jáne biznes ókili jobamen tanysyp, óz usynysyn aita alady.
