الماتى قالاسى سەۋلەت جەنە قالا قۇرىلىسى باسقارماسىنا جاڭا باسشى كەلدٸ. بۇل قىزمەتكە بۇرىنعى باسشىنىڭ ورىنباسارى بولعان الماسحان احمەدجانوۆ تاعايىندالدى, دەپ حابارلايدى "ۇلت اقپارات".
الماسحان احمەدجانوۆ الماتى قالاسىندا تۋعان. الماتى قالاسى سەۋلەت جەنە قالا قۇرىلىسى باسقارماسىندا 19 جىلدان بەرٸ قىزمەت ەتٸپ كەلەدٸ, ەڭبەك جولىن باس مامان رەتٸندە باستاعان.
سوڭعى 10 جىل بويى اتالعان باسقارما باسشىسىنىڭ ورىنباسارى بولدى. اباي اتىنداعى قازاق مەملەكەتتٸك ۋنيۆەرسيتەتٸنٸڭ, م.تىنىشباەۆ اتىنداعى كٶلٸك جەنە كوممۋنيكاتسييا اكادەميياسىنىڭ تٷلەگٸ, ماماندىعى بويىنشا «ينجەنەر-قۇرىلىسشى».
جاڭادان تاعايىندالعان باس سەۋلەتشٸنٸڭ الدىنا بٸرقاتار مٸندەتتەر قويىلدى.
الماسحان احمەدجانوۆ «قالا ادامدار ٷشٸن» كونتسەپتسيياسى اياسىندا حالىقارالىق تەجٸريبەلەر مەن يننوۆاتسييالىق تەحنولوگييالاردى قولدانا وتىرىپ جۇمىس تيٸمدٸلٸگٸن ارتتىرۋ جەنە جايلى ەرٸ ەكولوگييالىق تازا قالا كەڭٸستٸگٸن قالىپتاستىرۋعا مٸندەتتەلدٸ.
بۇلاردان ٶزگە, قۇرىلىس جوبالارىن جاساۋعا بارىنشا كرەاتيۆتٸ ارحيتەكتورلار مەن جوبالاۋشىلاردى تارتۋ, قالادا ەلەۋەتٸ جوعارى بٸلٸمدٸ ەرٸ تەجٸريبەلٸ كادرلار قۇرامىن قالىپتاستىرۋ قاجەت. ول ٷشٸن «الماتى باس جوسپار» عزي بازاسىندا جاس ماماندارعا قولداۋ كٶرسەتەتٸن كرەاتيۆتٸ يدەيالار ورتالىعى قۇرىلاتىن بولادى.
ايتا كەتەرلٸگٸ, مۇنىڭ الدىندا الماتى ەكٸمٸ باۋىرجان بايبەك كەلەر جىلدىڭ باسىندا قالانى دامىتۋدىڭ شەبەرلٸك جوسپارىنىڭ اشىق جارييالاناتىنىن ايتقان ەدٸ. قالانىڭ ەربٸر تۇرعىنى جەنە بيزنەس ٶكٸلٸ جوبامەن تانىسىپ, ٶز ۇسىنىسىن ايتا الادى.
